ထိုင်းနိုင်ငံ ဒစ်ဂျစ်တယ်စီးပွားရေးနှင့် လူမှုအဖွဲ့အစည်းဝန်ကြီးဌာန (DES) လက်အောက်ရှိ သတင်းမှားတိုက်ဖျက်ရေးစင်တာ (AFNC) သည် လူမှုကွန်ရက်တွင် ပျံ့နှံ့နေသော “ကြက်တူရွေးအဖျားရောဂါ” သတင်းမှာ သတင်းမှန်ဖြစ်ကြောင်း အတည်ပြုလိုက်သည်။ ၎င်းသည် ကောလာဟလမဟုတ်ဘဲ ပြည်သူများ သတိပြုရမည့် ကျန်းမာရေးခြိမ်းခြောက်မှုတစ်ခု ဖြစ်လာခဲ့သည်။
၂၀၂၅ ခုနှစ် နှောင်းပိုင်းတွင် ပထမဆုံး လူနာကို တွေ့ရှိခဲ့ခြင်းဖြစ်သည်။
အကြောင်းရင်း: လူနာသည် လေဝင်လေထွက်မကောင်းသော နေရာတွင် ငှက်များမွေးမြူထားပြီး၊ ငှက်လှောင်အိမ် သန့်ရှင်းရေးလုပ်စဉ် မည်သည့် အကာအကွယ်ပစ္စည်း (Mask သို့မဟုတ် လက်အိတ်) ကိုမျှ အသုံးမပြုခဲ့ခြင်းကြောင့် ကူးစက်ခံခဲ့ရခြင်း ဖြစ်သည်။
လက်ရှိအခြေအနေ: လူနာသည် ဆေးကုသမှုခံယူပြီးနောက် ကျန်းမာရေး ပြန်လည်ကောင်းမွန်သွားပြီ ဖြစ်သည်။
Psittacosis (ကြက်တူရွေးအဖျား) ဆိုတာဘာလဲ?
၎င်းသည် Chlamydophila psittaci ဟုခေါ်သော ဘက်တီးရီးယားကြောင့် ဖြစ်ပွားသည့်ရောဂါဖြစ်ပြီး ငှက်မျိုးစုံ (ကြက်တူရွေး၊ ခို၊ ဘဲ၊ ကြက်ဆင်) တို့တွင် တွေ့ရတတ်သည်။
ကူးစက်ပုံ: ငှက်၏ အညစ်အကြေး (ချေးခြောက်)၊ အမွေးအမှင် သို့မဟုတ် နှာရည်၊ တံတွေးတို့မှ ထွက်လာသော အမှုန်အမွှားများကို လေထဲမှတစ်ဆင့် ရှူမိရာမှ လူကို ကူးစက်ခြင်း ဖြစ်သည်။
သတိထားရမည့် လက္ခဏာများ:
- အဖျားတက်ခြင်းနှင့် ချမ်းတုန်ခြင်း။
- ပြင်းထန်စွာ ခေါင်းကိုက်ခြင်း။
- ကြွက်သားများ နာကျင်ကိုက်ခဲခြင်း။
- ချောင်းခြောက်ဆိုးခြင်း။
ကာကွယ်ရန် အကြံပြုချက်များ (ရောဂါထိန်းချုပ်ရေးဦးစီးဌာန)
၁။ တိုက်ရိုက်မထိတွေ့ပါနှင့် – မလိုအပ်ဘဲ ငှက်များ သို့မဟုတ် ငှက်ချေးများကို လက်ဖြင့် တိုက်ရိုက်မကိုင်ပါနှင့်။
၂။ အကာအကွယ်ယူပါ – ငှက်လှောင်အိမ် သန့်ရှင်းရေးလုပ်လျှင် သို့မဟုတ် ငှက်ကို ပြုစုလျှင် နှာခေါင်းစည်း (Mask) နှင့် လက်အိတ်ကို အမြဲဝတ်ဆင်ပါ။
၃။ သန့်ရှင်းရေး – တိရစ္ဆာန်များကို ကိုင်တွယ်ပြီးတိုင်း လက်ကို ဆပ်ပြာဖြင့် စင်ကြယ်စွာ ဆေးကြောပါ။ ၄။ ချက်ချင်းပြပါ: အကယ်၍ ငှက်နှင့် ထိတွေ့ဖူးပြီးနောက် အဖျားတက်ခြင်း၊ ချောင်းဆိုးခြင်း ဖြစ်လာပါက ဆရာဝန်ထံ ချက်ချင်းပြသပြီး ငှက်နှင့် ထိတွေ့ခဲ့ကြောင်း ပြောပြပါ။
Source;Nation Thailand
