ပန်းရောင်လိုင်း မိုနိုရထားသည် လျှပ်စစ်ဓာတ်အားပြတ်တောက်မှုကြောင့် နွန်ထဘူရီရှိ ဘူတာ (၅) ခုတွင် စနေနေ့ညက ဝန်ဆောင်မှုများကို ရပ်ဆိုင်းခဲ့သည်။
Northern Bangkok Monorail Co (NBM) က ဓာတ်လိုက်ကြိုးစနစ် ချို့ယွင်းမှုကြောင့် Nonthaburi Civic Centre ဘူတာနှင့် Royal Irrigation Department ဘူတာအကြားတွင် ဝန်ဆောင်မှု ရပ်ဆိုင်းခဲ့ရကြောင်း ပြောသည်။
သက်ရောက်မှုရှိသော ဘူတာ ၅ ခုမှာ Nonthaburi Civic Centre၊ Khae Rai၊ Sanambin Nam၊ Samakkhi နှင့် Royal Irrigation Department တို့ဖြစ်သည်။ ဤဘူတာများသည် ပန်းရောင်လိုင်း၏ အနောက်ဘက်ခြမ်း နွန်ထဘူရီတွင် တည်ရှိသည်။
ခရီးသည်များကို အဆင်ပြေစေရန်အတွက် NBM သည် Nonthaburi Civic Centre ဘူတာနှင့် Royal Irrigation Department ဘူတာနှင့် ကပ်လျက်ရှိသော Yaek Pak Kret ဘူတာအကြားတွင် အခမဲ့ဘတ်စ်ကား ဝန်ဆောင်မှုပေးခဲ့သည်။ ဘတ်စ်ကား (၄) စီးကို ပို့ဆောင်ပေးခဲ့ပြီး (၁၅) မိနစ်တိုင်း ပြေးဆွဲပေးခဲ့သည်။
ကုမ္ပဏီက ခရီးသည်များ အဆင်မပြေဖြစ်ရမှုအတွက် တောင်းပန်ခဲ့ပြီး ထိခိုက်နစ်နာသော ခရီးသည်များအတွက် လျော်ကြေးပေးမည်ဖြစ်ကာ ချို့ယွင်းမှု၏ အကြောင်းရင်းကို စုံစမ်းစစ်ဆေးပြီး ပြုပြင်မှုများ ချက်ချင်းလုပ်ဆောင်သွားမည်ဟု ကတိပြုခဲ့ကြောင်းသတင်းရရှိပါသည်။
Source: Bangkok Post
