အဂ္ဂမဟေသီဘုရား ခမည်းတော် ဘုရင် မဟာဝဇိရာလင်္ကရဏ၏ သမီးတော်အကြီးဆုံးဖြစ်ပြီး ချစ်စနိုးအားဖြင့် မင်းသမီး Bha ဟု လူသိများသည့် သက်တော်ရှည် Princess Bajrakitiyabha ၏ ဆေးဘက်ဆိုင်ရာ အခြေအနေနှင့်ပတ်သက်၍ စတုတ္ထအကြိမ်မြောက် တရားဝင်ကြေညာချက်ကို ထိုင်းဘုရင့်နန်းတော်က ထုတ်ပြန်ခဲ့သည်။ မင်းသမီး Bha သည် မင်းကြီး ဝာဇီရအလုံကွန် ၏ ဦးကြီးမင်းသမီးဖြစ်ပြီး ၂၀၂၂ ဒီဇင်ဘာလမှ စ၍ ဘင်ကော့ရှိ ကင်းကျော်လမ်းမီမိုရယ် ဆေးရုံကြီးတွင် ဆေးကုသခံနေရသည်။
နောက်ဆုံးဆေးဘက်ဆိုင်ရာအစီရင်ခံစာအရPrincess Bajrakitiyabha ၏ ကုသမှုအဖွဲ့သည် မင်းသမီး၏ အဆုတ်နှင့် ကျောက်ကပ် လုပ်ငန်းဆောင်တာများကို အထောက်အကူပြုရန် ဆေးဝါးများ ဆက်လက်ပေးနေသလို အထူးပြုဆေးဘက်ဆိုင်ရာ ကိရိယာများကိုလည်း အသုံးပြုနေပြီး ဆေးဘက်ဆိုင်ရာ ဝန်ထမ်းများသည် ရံဖန်ရံခါ ဖြစ်ပေါ်တတ်သည့် ကူးစက်ရောဂါများကို ပဋိဇီဝဆေးများဖြင့် ကုသ၍ ထိန်းချုပ်ပေးနေသည်။
(၂၀၂၅) ခုနှစ်၊ သြဂုတ်လ (၉) ရက်နေ့တွင် ဆရာဝန်များက ပြင်းထန်သော သွေးတွင်းပိုးဝင်ခြင်း (sepsis) ကို ရှာဖွေတွေ့ရှိခဲ့ရာ စိုးရိမ်ဖွယ်ရာ အခြေအနေတစ်ရပ် ပေါ်ပေါက်ခဲ့သည်။ ယင်းအခြေအနေကြောင့် မင်းသမီး၏ အရေးပါသော လက္ခဏာရပ်များကို ထိန်းထားနိုင်ရန်အတွက် ပဋိဇီဝဆေးပေါင်းစပ်မှုမျိုးစုံနှင့် သွေးပေါင်ချိန်ထိန်းဆေးဝါးများဖြင့် ပြင်းပြင်းထန်ထန် ကုသရန် လိုအပ်ခဲ့သည်။ ဆေးဘက်ဆိုင်ရာအဖွဲ့သည် (၂၄) နာရီပတ်လုံး စောင့်ကြည့်ပြီး ဘက်စုံစောင့်ရှောက်မှုများ ပေးနေကြောင်းသိရပါသည်။
မင်းသမီး Bajrakitiyabha သည် (၂၀၂၂) ခုနှစ်၊ ဒီဇင်ဘာလ (၁၅) ရက်နေ့ကတည်းက ထိုင်းကြက်ခြေနီအသင်းပိုင် ချူလာလောင်ကွန်း မော်ရီယယ် ဆေးရုံတွင် ကုသမှု ခံယူနေသည်။ (၂၀၂၂) ခုနှစ်၊ ဒီဇင်ဘာလ (၁၄) ရက်နေ့က တော်ဝင်ထိုင်းစစ်တပ်က ကျင်းပသော ထိုင်းလုပ်ငန်းခွင်သုံးခွေးများ ချန်ပီယံရှစ် (၂၀၂၂) အတွက် ခွေးများကို လေ့ကျင့်ပေးနေစဉ် နှလုံးရောဂါကြောင့် သတိလစ်သွားပြီးနောက်တွင် ဆေးရုံသို့ တင်ပို့ခဲ့ရခြင်း ဖြစ်သည်။
မင်းသမီးကို အစပိုင်းတွင် ပတ်ချောင်နာနာ ဆေးရုံတွင် ကုသခဲ့ပြီးနောက် ချူလာလောင်ကွန်း မော်ရီယယ် ဆေးရုံသို့ ပြောင်းရွှေ့ခဲ့ရာ လက်ရှိအချိန်အထိ ဆေးကုသမှု ခံယူနေဆဲဖြစ်သည်။ ထိုင်းဘုရင့်နန်းတော်၏ ယခင်ဆေးဘက်ဆိုင်ရာ ကြေညာချက်ကို (၂၀၂၃) ခုနှစ်၊ ဇန်နဝါရီလ (၃) ရက်နေ့တွင် ထုတ်ပြန်ခဲ့သည်။
Source: Khaosod
