အရှေ့အလယ်ပိုင်းမှာ တင်းမာမှုတွေ သိသိသာသာ မြင့်တက်လာပါတယ်။
အစ္စရေးလ်က ဆီးရီးယားနိုင်ငံ၊ ဒါမတ်စကတ် (Damascus) မြို့လယ်မှာရှိတဲ့ စစ်တပ်ဌာနချုပ်တွေကို အကြီးအကျယ် လေကြောင်းတိုက်ခိုက်မှုတွေ လုပ်ဆောင်ခဲ့ရာမှာ ကာကွယ်ရေးဝန်ကြီးဌာနနဲ့ သမ္မတနန်းတော်အနီး ဧရိယာတွေလည်း ပါဝင်ပါတယ်။
ဒီတိုက်ခိုက်မှုတွေကြောင့် လူအနည်းဆုံး တစ်ဦးကနေ သုံးဦးအထိ သေဆုံးပြီး လူများစွာဒဏ်ရာရခဲ့ပါတယ်။ ဒီလေကြောင်းတိုက်ခိုက်မှုတွေဟာ ဆီးရီးယားတောင်ပိုင်း စဝေဒါ (Sweida) ပြည်နယ်မှာ ဒရူဇ် (Druze) လူမျိုးစုတွေကြား ပြင်းထန်တဲ့ ပဋိပက္ခတွေ မြင့်တက်လာတာနဲ့ တိုက်ဆိုင်နေပါတယ်။
အစ္စရေးလ်က သူတို့ရဲ့ လုပ်ရပ်ဟာ ဒရူဇ်လူမျိုးတွေကို ကာကွယ်ဖို့ဖြစ်တယ်လို့ ပြောပါတယ်။ ဆီးရီးယားကတော့ အစ္စရေးလ်ရဲ့ လုပ်ရပ်ကို အချုပ်အခြာအာဏာ ချိုးဖောက်မှုအဖြစ် ရှုတ်ချခဲ့ပြီး၊ အမေရိကန်ပြည်ထောင်စုကတော့ နှစ်ဖက်စလုံးကို ထိန်းထိန်းသိမ်းသိမ်းလုပ်ဖို့ တောင်းဆိုထားပါတယ်။ ဆီးရီးယားအစိုးရနဲ့ ဒရူဇ်ဘာသာရေးခေါင်းဆောင်တွေကြား အပစ်အခတ်ရပ်စဲရေး သဘောတူညီချက်ရခဲ့ပေမဲ့၊ ဒရူဇ်အဖွဲ့အစည်းအချို့ကတော့ ဆက်လက်ဆန့်ကျင်သွားမယ်လို့ ကြုံးဝါးထားကြောင်း တင်ဆက်ပေးလိုက်ပါတယ်။
Source: Al Jazeera
