ဖူးကတ်၊ ထိုင်း — အိန္ဒိယနိုင်ငံ၊ ဂိုအား (Goa) ရှိ နိုက်ကလပ် မီးလောင်မှုတစ်ခုကြောင့် လူ ၂၅ ဦး သေဆုံးပြီးနောက် နိုင်ငံမှ ထွက်ပြေးတိမ်းရှောင်လာသည့် အိန္ဒိယညီအစ်ကိုနှစ်ဦးအား ထိုင်းနိုင်ငံ၊ ဖူးကတ် (Phuket) တွင် ရက်အတန်ကြာ ပုန်းရှောင်နေပြီးနောက် ဖမ်းဆီးရမိခဲ့သည်။
ဒီဇင်ဘာ ၆ ရက်၊ စနေနေ့က Birch by Romeo Lane နိုက်ကလပ်တွင် မီးလောင်မှု ဖြစ်ပွားခဲ့ရာ ဝန်ထမ်းများ အပါအဝင် စုစုပေါင်း လူ ၂၅ ဦး သေဆုံးခဲ့သည်။ သေဆုံးသူများတွင် နိုင်ငံခြားသား ခရီးသွား ၅ ဦးလည်း ပါဝင်ခဲ့သော်လည်း ၎င်းတို့၏ နိုင်ငံသားဖြစ်မှုများကို အတည်မပြုရသေးပေ။
ကနဦး သတင်းများက ဓာတ်ငွေ့ဘူး ပေါက်ကွဲမှုကြောင့်ဟု ဖော်ပြခဲ့သော်လည်း ရဲတပ်ဖွဲ့က နိုက်ကလပ်အတွင်း မီးရှူးမီးပန်းများ ပစ်ဖောက်ခဲ့ခြင်းကြောင့် မီးစတင်လောင်ကျွမ်းခြင်းဖြစ်သည်ဟု နောက်ပိုင်းတွင် ပြောကြားခဲ့သည်။
အဆိုပါ ညီအစ်ကိုနှစ်ဦးအား ထိုင်းနိုင်ငံတွင် ဖမ်းဆီးရမိခဲ့ပြီး၊ ၎င်းတို့၏ ရှေ့နေကမူ နိုက်ကလပ်ပိုင်ရှင်များသည် “စုန်းမလိုက်ရှာခြင်း” ခံနေရသူများဖြစ်ပြီး မီးလောင်မှုသည် တမင်ရည်ရွယ်လုပ်ဆောင်ခြင်းမဟုတ်ဘဲ ကြေကွဲဖွယ် မတော်တဆမှုသာဖြစ်ကြောင်း ငြင်းဆိုခဲ့သည်။ညီအစ်ကိုနှစ်ဦးသည် ဖမ်းဆီးခံရပြီးနောက် မီဒီယာများနှင့် စကားပြောဆိုရန် ငြင်းဆန်ခဲ့ကြောင်း BBC မှ သတင်းထုတ်ပြန်ခဲ့သည်။
ဤဖမ်းဆီးမှုသည် ထိုင်းနိုင်ငံတွင် အိန္ဒိယနိုင်ငံသားများ ပတ်သက်သည့် ရာဇဝတ်မှုဖြစ်စဉ်များအနက် တစ်ခုဖြစ်ပြီး၊ ယခုနှစ်အတွင်း ဖူးကတ်တွင် ဗုံးခြိမ်းခြောက်မှုနှင့် ပတ္တရား (Pattaya) တွင် ဘဏ်လွှဲပြေစာအတုဖြင့် ငွေမရှင်းဘဲ ထွက်ပြေးမှုများဖြင့် အိန္ဒိယနိုင်ငံသားများ ဖမ်းဆီးခံရမှုများလည်း ရှိခဲ့သည်။
Source: Thaiger
