အိမ်ခြံမြေ သတင်းအချက်အလက်ဗဟိုဌာန (REIC) ၏ အစီရင်ခံစာအရ (၂၀၂၅) ခုနှစ် နှစ်ဝက်ကာလတွင် နိုင်ငံခြားသားဝယ်ယူသူများသည် ကွန်ဒိုမီနီယံ (၇,၁၆၇) လုံးကို ဘတ်ငွေ (၂၈.၇၁) ဘီလီယံတန်ဖိုးဖြင့် ပိုင်ဆိုင်မှု လွှဲပြောင်းခဲ့ကြပြီး၊ ထိုပမာဏ၏ ၈၀% ကျော်သည် ဘန်ကောက်နှင့် ချွန်ဘူရီတို့တွင် ဖြစ်သည်။
◾တရုတ်ဝယ်ယူမှု လျော့ကျလာ၊ မြန်မာဝယ်ယူမှု ၁၁၉% မြင့်တက်လာ
တရုတ်နိုင်ငံသည် ထိပ်ဆုံးတွင် ရှိနေသေးသော်လည်း ၎င်းတို့၏ ဝယ်ယူမှုပမာဏ ကျဆင်းလာခဲ့သည်။ ၂၀၂၅ ခုနှစ် ဒုတိယသုံးလပတ်တွင် ကွန်ဒို ၈၉၉ လုံးကို ဘတ်ငွေ ၆.၁၁ ဘီလီယံဖိုး လွှဲပြောင်းခဲ့ပြီး ထိပ်ဆုံးနေရာ၌ ရှိနေသေးသော်လည်း နှစ်ဆက်တိုက် သုံးလပတ်များတွင် အရေအတွက် ကျဆင်းခဲ့သည်။ ၂၀၂၅ ခုနှစ်၊ ဒုတိယသုံးလပတ်တွင် လွှဲပြောင်းမှုနှုန်း ၂၈.၈% ကျဆင်းခဲ့ပြီး၊ ၎င်းသည် တရုတ်နိုင်ငံ၏ ပြည်တွင်းစီးပွားရေး ကျဆင်းမှုသည် နိုင်ငံရပ်ခြားတွင် ရင်းနှီးမြှုပ်နှံမှုအပြုအမူများကို အခြေခံအားဖြင့် စတင်ထိခိုက်နေပြီဖြစ်ကြောင်း ဖော်ပြသည်။
သို့သော်လည်း အိမ်နီးချင်း မြန်မာနိုင်ငံသည် မျှော်မှန်းထားသည်ထက် ပိုမိုမြင့်တက်လာခဲ့သည်။ ဒုတိယသုံးလပတ်တွင် ကွန်ဒိုလွှဲပြောင်းမှု ၅၃၃ လုံးအထိ ရောက်ရှိခဲ့ပြီး ၁၁၉.၃% တိုးတက်လာခဲ့သည်။ စုစုပေါင်းတန်ဖိုးမှာ ဘတ်ငွေ ၁.၃၄ ဘီလီယံဖြစ်ပြီး ၃၀.၉% မြင့်တက်ခဲ့သည်။
ယခုလို တိုးတက်လာရခြင်း၏ အဓိကအကြောင်းရင်းမှာ မကြာသေးမီက လှုပ်ခတ်ခဲ့သော ငလျင်ကြောင့် မြန်မာနိုင်ငံသားများသည် ထိုင်းနိုင်ငံတွင် အရန်နေအိမ်များ ရှာဖွေလာခြင်းဖြစ်သည်။ သဘာဝဘေးအန္တရာယ်မှ စတင်ခဲ့သော အခြေအနေသည် နယ်စပ်ဖြတ်ကျော် ပိုင်ဆိုင်မှုများ ပြောင်းရွှေ့လာခြင်းအဖြစ်သို့ ပြောင်းလဲလာခဲ့ပြီး ချင်းမိုင်၊ ချွန်ဘူရီနှင့် ဘန်ကောက်တို့သည် နေရာသစ်များအဖြစ် ပေါ်ထွက်လာသည်။
🔹၂၀၂၅ ခုနှစ်၊ ပထမနှစ်ဝက် ကွန်ဒိုဝယ်ယူမှု အများဆုံး နိုင်ငံ(၁၀)ခု
- တရုတ် – ၈၉၉ လုံး
- မြန်မာ – ၅၃၃ လုံး
- ရုရှား – ၂၇၂ လုံး
- ထိုင်ဝမ် – ၁၈၁ လုံး
- ပြင်သစ် – ၁၇၀ လုံး
- အမေရိကန် – ၁၂၄ လုံး
- ယူနိုက်တက်ကင်းဒမ်း – ၁၀၈ လုံး
- ဂျာမနီ – ၁၀၈ လုံး
- အိန္ဒိယ – ၆၆ လုံး
- ဂျပန် – ၃၈ လုံး
ထိုင်းနိုင်ငံ၏ ကွန်ဒိုစျေးကွက်သည် ပိုမိုစုံလင်လာသည်။ တရုတ်ဝယ်ယူမှု လျော့ကျလာခြင်းသည် စျေးကွက်အားနည်းမှုကို မဆိုလိုဘဲ၊ အာဆီယံနှင့် ဥရောပမှ ဝယ်ယူမှုများ ဝင်ရောက်လာရန် လမ်းဖွင့်ပေးခဲ့ပြီး ထိုင်းနိုင်ငံရှိ နိုင်ငံခြားသား အိမ်ခြံမြေရင်းနှီးမြှုပ်နှံမှုပုံစံကို ပြောင်းလဲစေခဲ့ကြောင်းသိရပါသည်။
Source: The Nation Thailand
