ဘန်ကောက်မြို့တော် စီမံခန့်ခွဲရေးအဖွဲ့ (BMA) သည် ပြီးခဲ့သည့် တနင်္ဂနွေနေ့က ကျင်းပခဲ့သော ကြိုတင်မဲပေးမှု ရလဒ်အပေါ် အားရကျေနပ်မှုရှိကြောင်း ထုတ်ဖော်ပြောကြားခဲ့သည်။ မြို့တော်အတွင်း ကြိုတင်မဲပေးရန် မှတ်ပုံတင်ထားသူ စုစုပေါင်း၏ ၈၇ ရာခိုင်နှုန်းကျော် လာရောက် မဲပေးခဲ့ကြသည်။
ဘန်ကောက်မြို့တော် အမြဲတမ်းအတွင်းဝန် ဦးနာရွန် ရူအန်သီ (Narong Ruangsri) ၏ ပြောကြားချက်အရ မှတ်ပုံတင်ထားသူ ၈၄၅,၈၅၃ ဦးအနက် ၇၄၀,၉၆၆ ဦး (၈၇.၆၀%) လာရောက် မဲပေးခဲ့သည်။မှတ်ပုံတင်ထားသူ ၂,၇၄၇ ဦးအနက် ၂,၆၅၀ ဦး (၉၆.၄၇%) အထိ လာရောက် မဲပေးခဲ့ကြသည်။
မဲပေးမှု အများဆုံးဖြစ်ခဲ့သည့် နယ်မြေများ (၉၀% ကျော်)
၁။ နောင်ခမ်း (Nong Khaem): ၉၂.၁၀%
၂။ စမ်ဖန်ထဝန်း (Samphanthawong): ၉၁.၃၇%
၃။ ဖရာနခွန် (Phra Nakhon):၉၀.၇၅%
၄။ ရာချာထဝီ (Ratchathewi): ၉၀.၄၇%
ကြိုတင်မဲလက်မှတ်များကို ထိုင်းစာတိုက်လုပ်ငန်း (Thailand Post) မှတစ်ဆင့် မဲဆန္ဒရှင်များ၏ အမြဲတမ်းနေရပ်လိပ်စာရှိရာ မဲဆန္ဒနယ်များသို့ ပို့ဆောင်ပေးသွားမည်ဖြစ်သည်။
မဲရေတွက်မည့်ရက်: အဆိုပါ ကြိုတင်မဲများကို လာမည့် ဖေဖော်ဝါရီလ ၈ ရက် (တနင်္ဂနွေနေ့) တွင် ကျင်းပမည့် အထွေထွေရွေးကောက်ပွဲနေ့မှသာ အခြားမဲများနှင့်အတူ စုပေါင်းရေတွက်သွားမည် ဖြစ်သည်။
လူမှုကွန်ရက်မှတစ်ဆင့် ရရှိသော တုံ့ပြန်ချက်များအရ မဲပေးသူအများစုသည် လုပ်ငန်းစဉ်များ လျင်မြန်ချောမွေ့မှုအပေါ် ကျေနပ်အားရမှု ရှိကြသည်။ သို့သော်လည်း အချို့သော မဲရုံများအနီးတွင် ယာဉ်ကြောပိတ်ဆို့မှုများ ဖြစ်ပေါ်ခဲ့သည့်အပေါ် အနည်းငယ် ဝေဖန်မှုများ ရှိခဲ့ကြောင်း သိရသည်။
Source;Thai PBS world
