ထိုင်းဗဟိုဘဏ် (Bank of Thailand) သည် မေလ ၁၄ ရက် နေ့က Clicx Bank အား လုပ်ငန်းလိုင်စင် တရားဝင်ချပေးခဲ့ခြင်းဖြစ်ပြီး၊ ယင်းဘဏ်သည် အင်အားကြီးကုမ္ပဏီ ၃ ခု စုပေါင်းတည်ထောင်ထားခြင်း ဖြစ်ပါတယ်ဗျ။
🤝 ပူးပေါင်းတည်ထောင်သူများ
၁။ Krungthai Bank (KTB): ထိုင်းနိုင်ငံ၏ အဓိကအစိုးရဘဏ်ကြီး။
၂။ Advanced Info Service (AIS): ထိုင်းနိုင်ငံ၏ အကြီးဆုံး ဆက်သွယ်ရေးအော်ပရေတာ။
၃။ PTT Oil and Retail Business (OR): PTT ဆီဆိုင်နှင့် Cafe Amazon လုပ်ငန်းစုကြီး။
🔍 Clicx Bank က ဘာတွေထူးခြားမလဲ။
- သုံးစွဲသူတွေရဲ့ ငွေကြေးအပြုအမူနဲ့ နေထိုင်မှုပုံစံ (Lifestyle) ကို AI နဲ့ တွက်ချက်ပြီး ပိုမိုကောင်းမွန်တဲ့ ဝန်ဆောင်မှုတွေ ပေးသွားမှာပါ။
- ပုံမှန်ဝင်ငွေအထောက်အထား (Payslip) ပြဖို့ခက်ခဲတဲ့ နေ့စားအလုပ်သမားတွေ၊ Freelancers တွေ၊ တက္ကစီဒရိုင်ဘာတွေ၊ ကျောင်းသားတွေနဲ့ အွန်လိုင်းဈေးသည်တွေကို အဓိကထားပြီး ချေးငွေနဲ့ ဘဏ္ဍာရေးဝန်ဆောင်မှုတွေ ပေးသွားမှာ ဖြစ်ပါတယ်။
- ဘဏ်ခွဲသွားစရာမလိုဘဲ ဖုန်းထဲကနေပဲ ငွေစုခြင်း၊ ငွေစီမံခန့်ခွဲခြင်းနဲ့ ချေးငွေလျှောက်ထားခြင်းတွေကို ၂၄ နာရီပတ်လုံး လုပ်ဆောင်နိုင်မှာပါ။
🏦 အခြား Virtual Bank လျှောက်ထားသူများ
ထိုင်းဗဟိုဘဏ်က Virtual Bank လုပ်ကိုင်ခွင့်အတွက် အုပ်စု ၃ စုကို ရွေးချယ်ထားတာဖြစ်ပြီး ကျန်ရှိနေတဲ့အုပ်စုတွေကတော့ –
၁။ ACM Holding (CP Group): ၎င်းတို့က Ascend Bank အမည်နဲ့ လုပ်ကိုင်သွားမှာဖြစ်ပြီး၊ မေလ ၂၉ ရက်မှာ 7-Eleven လုပ်ငန်းစုရဲ့ အခွဲတွေကို ဒီဘဏ်အောက် ထည့်မလားဆိုတာ ဆုံးဖြတ်သွားမှာပါ။
၂။ SCB X Consortium: ကိုရီးယားနိုင်ငံက KakaoBank၊ WeBank တို့နဲ့ ပူးပေါင်းပြီး Bank X အမည်နဲ့ လုပ်ကိုင်သွားမှာ ဖြစ်ပါတယ်။
ဗဟိုဘဏ်အုပ်ချုပ်ရေးမှူး Vitai Ratanakorn က ယခုနှစ်ကုန်မှာ အနည်းဆုံး Virtual Bank ၂ ခု စတင်ပြေးဆွဲနိုင်မယ်လို့ မျှော်လင့်ထားပါတယ်ဗျ။
Source;Bangkok Post
