ကင်ဆာလူနာတစ်ဦးချင်းစီအတွက် အာဟာရပြည့်ဝပြီး ဘေးကင်းစေမယ့် “Nutrition Plan” … ဆေးသွင်းနေစဉ် မဖြစ်မနေ စားပေးသင့်တဲ့ အစားအစာများနှင့် ရှောင်ရန်များ

ကင်ဆာဝေဒနာရှင်တစ်ဦးချင်းစီရဲ့ ခန္ဓာကိုယ်အခြေအနေနဲ့ ကုသမှုအစီအစဉ်တွေက မတူညီနိုင်တာကြောင့် အားလုံးအတွက် ယေဘုယျအဆင်ပြေစေမယ့် နေ့စဉ်အာဟာရလမ်းညွှန် (Nutrition Plan) ကို မျှဝေပေးလိုက်ပါတယ်။ ကင်ဆာဝေဒနာ ခံစားရသူတွေအနေနဲ့ ကိုယ်အလေးချိန်ကို ပုံမှန်ထိန်းသိမ်းဖို့၊ မသန့်ရှင်းတဲ့ ပတ်ဝန်းကျင်ကို ရှောင်ကြဉ်ဖို့နဲ့ အစားအစာကို အာဟာရပြည့်ဝအောင် စားသုံးပေးဖို့ အလွန်အရေးကြီးပါတယ်။

အထူးသဖြင့် ဆေးသွင်းနေချိန်မှာ အနံ့မပြင်းဘဲ စားရလွယ်ကူမယ့် အစားအစာမျိုးကို ရွေးချယ်ကျွေးမွေးရပါမယ်။ 

🟢 ကင်ဆာဆေးသွင်းနေချိန်မှာ ဘာတွေစားပေးသင့်လဲ?

🧼 လတ်လတ်ဆတ်ဆတ် ချက်ပြုတ်ထားသောအရာများ: အစာအိမ်နဲ့ အူလမ်းကြောင်းထဲ ပိုးဝင်နိုင်ခြေကို လျှော့ချပေးနိုင်ဖို့ သေချာချက်ပြုတ်ထားတာမျိုးပဲ စားရပါမယ်။

💪 စွမ်းအင်ရရှိစေမယ့် အစားအစာ: ခန္ဓာကိုယ်အတွက် လိုအပ်တဲ့ ခွန်အားတွေရရှိစေဖို့ ကြက်ဥ၊ နွားနို့၊ ထောပတ်၊ ယို စတာတွေကို စားပေးပါ။

🥩 ပရိုတင်းဓာတ် ကြွယ်ဝသောအရာများ: ကင်ဆာဆေးကြောင့် ပျက်စီးသွားတဲ့ ဆဲလ်တွေကို ပြန်လည်တည်ဆောက်နိုင်ဖို့ ငါး၊ နွားနို့၊ ကြက်ဥ၊ အစေ့အဆန် စတဲ့ ပရိုတင်းဓာတ်များများ ကျွေးပါ။

🎃 ဗီတာမင်နှင့် သတ္တုဓာတ်များ: ကိုယ်ခံအားစနစ် မြင့်မားလာစေဖို့ ဗီတာမင်နဲ့ သတ္တုဓာတ်တွေပါတဲ့ သစ်သီးဝလံနဲ့ ဟင်းသီးဟင်းရွက် အမျိုးမျိုးကို စားသုံးပေးပါ။

💧 ရေများများသောက်ပါ: ပျို့အန်တာ သက်သာစေဖို့၊ ရေဓာတ်ခမ်းခြောက်တာ ကာကွယ်ဖို့နဲ့ ကျောက်ကပ်မှာရှိတဲ့ ဆေးဝါးအကြွင်းအကျန်တွေကို စွန့်ထုတ်နိုင်ဖို့ ရေများများ သောက်ပေးရပါမယ်။

🍲 အစာကြေလွယ်သောအရာများ: ဟင်းချို၊ ဆန်ပြုတ် သို့မဟုတ် အရည်ရွှမ်းတဲ့အသီး စတဲ့ အစာကြေညက်လွယ်မယ့် အစားအစာတွေကို ရွေးချယ်ကျွေးမွေးပါ။

⚠️ သတိပြုရန်: အနံ့ပြင်းတဲ့ အစားအသောက်တွေဟာ ပျို့အန်ချင်တဲ့ စိတ်ကို ပိုမိုဆိုးရွားစေနိုင်တာကြောင့် အနံ့ပြင်းတာတွေကို လုံးဝရှောင်ပေးပါ။

🔴 ဘယ်လို အစားအစာတွေကို အထူးရှောင်ကြဉ်ရမလဲ? 

🥩 စားကြွင်းစားကျန်များ: အစားအဆိပ်သင့်ခြင်း ကာကွယ်ရန် စားကြွင်းစားကျန်များကို ရှောင်ပါ။

🥫 အချဉ်ဖောက်ထားသော အစားအစာ: အချဉ်ဖောက်ထားတဲ့ အစားအစာ ဒါမှမဟုတ် မကျက်တကျက် အစားအစာတွေဟာ ဝမ်းပျက်ဝမ်းလျှော ဖြစ်စေနိုင်လို့ လုံးဝမစားပါနဲ့။

🌭 ပြုပြင်ဖန်တီးထားသော အသားများ: ဝက်အူချောင်း၊ ဘေကွန်၊ အသားလုံး စတဲ့ ပြုပြင်ထားတဲ့ အစားအစာတွေကို မကျွေးပါနဲ့။

🚬 ဆေးလိပ်နှင့် အရက်: လူနာရဲ့ ကိုယ်ခံအားနဲ့ ကျန်းမာရေးကို တိုက်ရိုက်ထိခိုက်စေနိုင်လို့ အရက်နဲ့ ဆေးလိပ်ကို လုံးဝ (လုံးဝ) ရှောင်ကြဉ်ရပါမယ်။

💡 ကျန်းမာရေးအကြံပြုချက် – ကင်ဆာကုသမှု ခံယူနေစဉ်မှာ မှန်ကန်တဲ့ အာဟာရစနစ်ကို လိုက်နာခြင်းက လူနာကို ဆေးဒဏ်ခံနိုင်ရည်ရှိစေပြီး အမြန်ဆုံး ပြန်လည်ကျန်းမာလာစေဖို့ အဓိက ပံ့ပိုးပေးနိုင်ပါတယ်။ မိမိတို့ရဲ့ လူနာအခြေအနေအလိုက် အသေးစိတ်ကို သက်ဆိုင်ရာ အထူးကုဆရာဝန်ကြီးများနှင့်လည်း သေချာတိုင်ပင်ဆွေးနွေးနိုင်ပါတယ်။

မိမိတို့ပတ်ဝန်းကျင်မှာ ကင်ဆာဝေဒနာရှင်တွေကို ပြုစုစောင့်ရှောက်နေရတဲ့ မိသားစုဝင်တွေရှိရင် အကျိုးရှိရှိ ဖတ်ရှုလိုက်နာနိုင်အောင် ဒီ Post လေးကို Share ပြီး သတင်းပါးလိုက်ပါဦးနော် ❤️

အခုလို ဝေဒနာနဲ့ ပတ်သက်ပြီး ကျန်းမာရေးဆိုင်ရာ သိကောင်းစရာတွေကို ထပ်မံမေးမြန်းလိုရင်ဖြစ်စေ၊𝐌𝐞𝐝𝐏𝐚𝐫𝐤𝐇𝐨𝐬𝐩𝐢𝐭𝐚𝐥 နဲ့ချိတ်ဆက်လိုလျှင်ဖြစ်စေ၊ ထိုင်းနိုင်ငံရှိ ထိပ်တန်းဆေးရုံကြီးများရဲ့ ကုသမှုစရိတ်နဲ့ ဆေးရုံသတင်းအချက်အလက်တွေကို စုံစမ်းလိုရင်ဖြစ်စေ 𝐏𝐚𝐠𝐞 𝐌𝐞𝐬𝐬𝐞𝐧𝐠𝐞𝐫 ကနေတစ်ဆင့် အချိန်မရွေး ဆက်သွယ်စုံစမ်းနိုင်ပါတယ်။
ဆက်သွယ်ရန်:
𝐅𝐚𝐜𝐞𝐛𝐨𝐨𝐤: 𝐏𝐚𝐠𝐞 𝐌𝐞𝐬𝐬𝐞𝐧𝐠𝐞𝐫
𝐕𝐢𝐛𝐞𝐫: +𝟗𝟓 𝟗𝟖𝟖 𝟕𝟕𝟖 𝟑𝟔𝟕𝟕
𝐓𝐞𝐥𝐞𝐠𝐫𝐚𝐦: +𝟔𝟔 𝟔 𝟓𝟔𝟓 𝟗𝟓𝟖𝟓𝟏
𝐒𝐨𝐮𝐫𝐜𝐞;𝐌𝐞𝐝𝐏𝐚𝐫𝐤𝐇𝐨𝐬𝐩𝐢𝐭𝐚𝐥