အင်္ဂါနေ့ (စက်တင်ဘာ ၂၃) တွင် ချင်းမိုင်ပြည်နယ်၊ Mae Chaem ခရိုင်၌ ရေကြီးမှုများသည် အလွန်စိုးရိမ်စရာအခြေအနေသို့ ရောက်ရှိလာခဲ့သည်။ Mae Chaem မြစ်သည် ကမ်းပါးများမှလျှံတက်လာပြီး လူနေထူထပ်သောရပ်ကွက်နှင့် ခရိုင်၏စီးပွားရေးဗဟိုဌာနဖြစ်သည့် Chang Khoeng ကျေးရွာအုပ်စုရှိ နေအိမ်များကို ရေလွှမ်းမိုးခဲ့သည်။ ရေကြီးမှုကြောင့် ပိုင်ဆိုင်မှုများနှင့် စိုက်ပျိုးရေးမြေများတွင် ကျယ်ကျယ်ပြန့်ပြန့် ထိခိုက်ပျက်စီးမှုများ ဖြစ်ပေါ်ခဲ့သည်။
အာဏာပိုင်များက လျင်မြန်စွာ မြင့်တက်လာသော မြစ်ရေသည် လူနေထူထပ်သောရပ်ကွက်များ၊ အစိုးရရုံးများ၊ ကျောင်းများနှင့် စီးပွားရေးဇုန်များအပါအဝင် အဓိကနေရာများကို ရေလွှမ်းမိုးခဲ့ကြောင်း သတင်းပေးပို့ခဲ့သည်။ ဒေသခံများအား အရေးပေါ်ရွှေ့ပြောင်းရန်နှင့် အဖိုးတန်ပစ္စည်းများကို ပိုမိုမြင့်မားသည့်နေရာများသို့ ရွှေ့ပြွှေ့ပြောင်းရန် တွန်းအားပေးခဲ့သည်။ Tha Pha နှင့် Chang Khoeng ဒေသများရှိ စိုက်ပျိုးရေးဧရိယာအချို့သည်လည်း ပြင်းထန်စွာ ထိခိုက်ခဲ့သည်။
Mae Chaem မြစ်ရေမြင့်တက်လာမှုသည် ထိုင်းမြောက်ပိုင်းတွင် မိုးသည်းထန်စွာရွာသွန်းမှုများကြောင့်ဖြစ်ပြီး ရေဘေးသင့်ဒေသများတွင် အရေးပေါ်ကူညီကယ်ဆယ်ရေးလုပ်ငန်းများ လုပ်ဆောင်လျက်ရှိကြောင်း အာဏာပိုင်များက ထပ်လောင်းပြောကြားခဲ့သည်။ ဒေသခံများကို ဘေးကင်းရာသို့ ရွှေ့ပြောင်းပေးနေပြီး ရေကြီးရေလျှံမှုအခြေအနေများကို အနီးကပ်စောင့်ကြည့်နေပါတယ်။
Source: The Nation Thailand
