Nakhon Ratchasimaခရိုင်၊Suranaree စက်မှုဇုန်အတွင်းရှိ သတ္တုရည်စိမ်စက်ရုံတစ်ခုတွင် ယနေ့ ဇန်နဝါရီလ ၃၁ ရက်၊ ၂၀၂၆ ခုနှစ် မွန်းလွဲပိုင်းက အဆင့် ၅ အဆင့်ရှိ ပြင်းထန်သော မီးလောင်မှုတစ်ခု ဖြစ်ပွားခဲ့ပါသည်။
စက်ရုံအတွင်း သိုလှောင်ထားသည့် thinner နှင့် ဆေးသုတ်ဓာတုပစ္စည်းများကြောင့် မီးအရှိန်မှာ အရှိန်အဟုန်ဖြင့် ကူးစက်ပြန့်နှံ့ခဲ့ပြီး ကိုရတ်မြို့ကောင်းကင်ယံတွင် မည်းမှောင်သော မီးခိုးလုံးကြီးများ ဖုံးလွှမ်းခဲ့ပါသည်။ မီးသတ်တပ်ဖွဲ့ဝင်များက ရေပက်ဖျန်းကာ အစွမ်းကုန် ဟန့်တားခဲ့သဖြင့် မွန်းလွဲ ၂ နာရီခန့်တွင် မီးအရှိန်ကို ထိန်းချုပ်နိုင်ခဲ့ပြီး ဘေးပတ်ဝန်းကျင် အဆောက်အအုံများသို့ ကူးစက်ခြင်းမရှိဘဲ တားဆီးနိုင်ခဲ့ပါသည်။
ယခုဖြစ်စဉ်အတွင်း ဝန်ထမ်းအားလုံးကို ဘေးကင်းရာသို့ ရွှေ့ပြောင်းပေးနိုင်ခဲ့သဖြင့် ထိခိုက်ဒဏ်ရာရသူနှင့် သေဆုံးသူ မရှိကြောင်း အတည်ပြုရရှိပါသည်။ လက်ရှိတွင် အာဏာပိုင်များက မီးလောင်ရသည့် အကြောင်းရင်းကို စုံစမ်းစစ်ဆေးရန် ပြင်ဆင်နေပြီး၊ လေအောက်ဘက်ရှိ နောင်ဘွားဆလာ ရပ်ကွက်နေ ပြည်သူများအနေဖြင့် ဓာတုမီးခိုးငွေ့အန္တရာယ်မှ ကာကွယ်ရန် နှာခေါင်းစည်းများ မဖြစ်မနေ တပ်ဆင်ကြပါရန် သတိပေး နှိုးဆော်ထားပါသည်။
Source:Thairath
