နတ်ဟုံပထုံမြို့မရဲစခန်းမှ ရဲမှူးကြီး Achirawat Thawornreunwat ဦးဆောင်သောအဖွဲ့သည် ယနေ့နံနက် ၂ နာရီ ၁၀ မိနစ်အချိန်ခန့်တွင် သတင်းရရှိသဖြင့် အခင်းဖြစ်ပွားရာ Sanam Chan ရပ်ကွက်ရှိ နိုက်ကလပ်အရှေ့သို့ သွားရောက်စစ်ဆေးခဲ့ပါတယ်။
အသက် ၅၄ နှစ်အရွယ်ရှိ Udompong Senbua ဖြစ်ပြီး ၎င်းသည် Map Khae ရပ်ကွက်ရှိ ဝက်သတ်ရုံပိုင်ရှင်တစ်ဦး ဖြစ်ပါတယ်။ ၎င်း၏ ညာဘက်နားထင်ကို သေနတ်ကျည်ဆန် ထိမှန်ခဲ့ပြီး ဆေးရုံသို့ ပို့ဆောင်စဉ် သေဆုံးသွားခဲ့ပါတယ်။Don Yai Hom ရပ်ကွက်မှ ကျေးရွာလူကြီး Komsak Kaewsang (ခေါ်) “Village Headman Jiw” ဖြစ်ပါတယ်။ ၎င်းသည် ပစ်ခတ်မှုအပြီးတွင် ထွက်ပြေးခြင်းမရှိဘဲ ရဲတပ်ဖွဲ့ထံ အဖမ်းခံရန် စောင့်ဆိုင်းနေခဲ့ပါတယ်။
သက်သေများ၏ ထွက်ဆိုချက်အရ ၎င်းတို့နှစ်ဦးသည် နိုက်ကလပ်အတွင်း၌ စကားများရန်ဖြစ်ခဲ့ကြပြီး ဆိုင်ပိတ်ချိန်နီးသဖြင့် အပြင်ထွက်၍ ဖြေရှင်းရန် ဆိုင်ဘက်က တောင်းဆိုခဲ့ပါတယ်။ အပြင်ရောက်သောအခါ အငြင်းပွားမှု ဆက်လက်ဖြစ်ပွားပြီး တရားခံက သေနတ်ဖြင့် ပစ်ခတ်ခဲ့ခြင်း ဖြစ်ပါတယ်။ သေဆုံးသူသည် ၎င်း၏ BMW ကားအတွင်း ထိုင်နေစဉ် ပစ်ခတ်ခံရခြင်း ဖြစ်ပါတယ်။သေဆုံးသူ၏ ကားအတွင်း၌ .38 သေနတ်အချို့ကို တွေ့ရှိခဲ့သလို၊ ကားရှေ့မှန်တွင် ကျည်ဖောက်ဝင်သည့် ဒဏ်ရာနှင့် ကားရှေ့ ၂ မီတာခန့်အကွာတွင် ၁၁ မီလီမီတာ ကျည်ခွံတစ်ခုကို ရဲတပ်ဖွဲ့က သိမ်းဆည်းရမိခဲ့ပါတယ်။
ရဲတပ်ဖွဲ့၏ ကနဦး စုံစမ်းစစ်ဆေးမှုများအရ အောက်ပါအချက်နှစ်ချက်ကို သံသယရှိနေပါတယ် ။သဝန်တိုမှု (Jealousy): တရားခံဖြစ်သူ ကျေးရွာလူကြီး၏ ဇနီးဟောင်းနှင့် သေဆုံးသူတို့အကြား ပတ်သက်မှုရှိနေခြင်းကြောင့် ဖြစ်နိုင်ကြောင်း ယူဆရပါတယ်။ငွေကြေးကိစ္စရပ်များနှင့် ပတ်သက်၍ အဆင်မပြေမှုများ ရှိ၊ မရှိကိုလည်း ရဲတပ်ဖွဲ့က ဆက်လက် စစ်ဆေးနေပါတယ်။
Source;Thairath
