ထိုင်းနိုင်ငံ၊ ပထုံဌာနီ (Pathum Thani) ခရိုင်ရှိ ဆုန် (Song) နှင့် ရာဇ်စစ် (Rangsit) တူးမြောင်းများတွင် ငါးများ အလုံးအရုံး သေဆုံးကာ ရေပြင်ပေါ်တွင် ပေါ်လာပြီး မွှန်ထူသည့် အနံ့ဆိုးများ ထွက်ပေါ်နေသဖြင့် အဆိုပါ တူးမြောင်းများအတွင်းမှ ငါးများကို မစားသုံးကြရန်နှင့် ရေကို တိုက်ရိုက်ထိတွေ့ အသုံးမပြုကြရန် ပတ်ဝန်းကျင်ညစ်ညမ်းမှု ထိန်းချုပ်ရေးဦးစီးဌာန (PCD) က အရေးပေါ် သတိပေးချက် ထုတ်ပြန်လိုက်ပါတယ်။
Prueksa 44 အိမ်ယာအနီး တူးမြောင်းနေရာ ၅ ခုမှ ရေနမူနာများကို ရယူစစ်ဆေးခဲ့ရာ ရေ၏ pH တန်ဖိုးမှာ 7.17 ရှိပြီး၊ အရေးပါသော ပျော်ဝင်အောက်ဆီဂျင် (DO) ပမာဏမှာ သုည (0 mg/L) အထိ ကျဆင်းနေကြောင်း တွေ့ရှိရသည်။ ဤကဲ့သို့ အောက်ဆီဂျင် လုံးဝ မရှိတော့ခြင်းကြောင့် ငါးများ အစုလိုက်အပြုံလိုက် သေဆုံးရခြင်းဖြစ်ကြောင်း သိရသည်။
ရေနမူနာ ၄ ခုကို စစ်ဆေးရာတွင် pH တန်ဖိုး 6.97 မှ 7.02 ကြားရှိပြီး၊ ပျော်ဝင်အောက်ဆီဂျင် (DO) ပမာဏမှာ 1.41 မှ 2.61 mg/L ကြားတွင် ရှိနေသည်။
ရေထဲရှိ အော်ဂဲနစ် ပစ္စည်းများ၊ ဘတ်တီးရီးယားများ၊ အမိုးနီးယား၊ အာဟာရဓာတ်များနှင့် လေးလံသော သတ္တု (Heavy metals) ၈ မျိုး ပါဝင်မှုကို ဆက်လက် စစ်ဆေးလျက်ရှိပြီး၊ လက်ရှိ စစ်ဆေးတွေ့ရှိချက်များအရ အဆိပ်အတောက်ဖြစ်စေသည့် အာဆင်းနစ် (Arsenic) ဓာတ် တစ်စုံတစ်ရာ တွေ့ရှိရခြင်း မရှိသေးကြောင်း PCD ညွှန်ကြားရေးမှူးချုပ် Surin Worakijthamrong က ပြောကြားခဲ့သည်။
Source;ThaiPBS
