ထိုင်းတွင် သက်ကြီးရွယ်အို ပိုမိုများပြားလာ၍ ပင်စင်နှင့် လူမှုဖူလုံရေး စနစ်ပေါ် ဖိအားကျရောက်

ထိုင်းနိုင်ငံ၏ လူဦးရေအဆမတန် အိုမင်းမင်းမဆွေးမှု ဖြစ်စဉ်သည် သက်ကြီးရွယ်အို ပင်စင်နှင့် လူမှုဖူလုံရေး စနစ်အတွက် ကြီးမားသည့် စိန်ခေါ်မှုတစ်ရပ် ဖြစ်လာနေပြီး လာမည့် ၂၅ နှစ်အတွင်း အသက် ၆၀ အထက် လူဦးရေမှာ တစ်နိုင်ငံလုံး လူဦးရေ၏ သုံးပုံတစ်ပုံအထိ ရှိလာမည်ဖြစ်ကြောင်း Kiatnakin Phatra Financial Group (KKP) ၏ သုတေသန အစီရင်ခံစာတွင် ဖော်ပြထားပါတယ်။

လက်ရှိတွင် ထိုင်းနိုင်ငံ၌ အသက် ၆၀ အထက် သက်ကြီးရွယ်အို ဦးရေမှာ စုစုပေါင်း လူဦးရေ၏ ၂၄ % ရှိနေပြီဖြစ်ကာ အိမ်နီးချင်း နိုင်ငံများနှင့် ယှဉ်ပါက အိုမင်းမှုနှုန်း မြန်ဆန်နေသော်လည်း တစ်ဦးကျဝင်ငွေမှာ နည်းပါးနေသေးသည်။

ထိုင်းလုပ်သား ၅၄ % ကျော်မှာ လူမှုဖူလုံရေး စနစ်ပြင်ပတွင် ရောက်ရှိနေပြီး အစိုးရမှ ထောက်ပံ့သည့် သက်ကြီးရွယ်အို ထောက်ပံ့ကြေးမှာ စားဝတ်နေရေး စရိတ်၏ ၇ % ခန့်ကိုသာ ကာမိသည်။

အသက် ၆၀ သို့ ရောက်ရှိသူများ၏ ၄၇ % ခန့်သည် အသက် ၈၅ နှစ်အထိ အသက်ရှည်နေထိုင်ကြမည်ဖြစ်ပြီး ၂၀၂၆ ခုနှစ်တွင် ထိုင်းနိုင်ငံ၏ ဆေးဝါးနှင့် ကျန်းမာရေးစရိတ် ငွေဖောင်းပွမှုနှုန်းမှာ ၁၄.၈ % အထိ မြင့်တက်လာမည်ဖြစ်သည်။

KKP ၏ လေ့လာဆန်းစစ်ချက်အရ ထိုင်းနိုင်ငံသား ၈၆ % ခန့်သည် ငွေစုဆောင်းသည့် အစီအစဉ် မရှိကြသေးဘဲ စုဆောင်းငွေ၏ ၈၀ % ကျော်ကို ဘဏ်အပ်ငွေများတွင်သာ ထားရှိသဖြင့် ငွေဖောင်းပွမှုကို အမီမလိုက်နိုင်ဖြစ်နေကြသည်။

ယင်းကြောင့် သက်ကြီးရွယ်အို ၇၀ % နီးပါးသည် သားသမီးများ၏ ငွေကြေးထောက်ပံ့မှု သို့မဟုတ် ဆက်လက် အလုပ်လုပ်ကိုင်မှုအပေါ် မှီခိုနေရသည်။

ယင်းစိန်ခေါ်မှုများကို ကူညီဖြေရှင်းရန် KKP ဘဏ်သည် အနားယူချိန်အတွက် ရင်းနှီးမြှုပ်နှံမှု အဆင့်နှစ်ဆင့်ပါဝင်သည့် (KKP Ready Retire) ရင်းနှီးမြှုပ်နှံမှု ရန်ပုံငွေ အစီအစဉ်သစ်များကို စတင်မိတ်ဆက်ပေးထားကြောင်း သိရပါတယ်။

Source;Bangkok Post