မနေ့က (၂၀၂၆ ခုနှစ်၊ ဇွန်လ ၁၀ ရက်) ညနေပိုင်းတွင် ထိုင်းနိုင်ငံတောင်ပိုင်း၊ ကရာဘီခရိုင် (Krabi)၊ အောလုခ် (Ao Luek) မြို့နယ်အတွင်း မိုးရွာသွန်းမှု အဆက်မပြတ် ပြင်းထန်ခဲ့ခြင်းကြောင့် လူနေအိမ်ခြေများအတွင်းသို့ ရေများလျှံတက်ကာ ပြင်းထန်စွာ ရေကြီးမှုဖြစ်ပွားခဲ့သဖြင့် ဒေသခံပြည်သူ ၅၀၀ ကျော်ကို ဘေးလွတ်ရာသို့ အရေးပေါ် ကယ်ဆယ်ရွှေ့ပြောင်းပေးခဲ့ရပါတယ်။
အောလုခ်ခရိုင်၊ အောလုခ်တိုင် (Ao Luek Tai) စည်ပင်သာယာနယ်မြေအတွင်းရှိ အိမ်ခြေ ၂၀၀ ကျော် မပြည့်တပြည့် ချက်ချင်းစုပြုံ နေထိုင်ကြသော ကလောင်ကလန် (Khlong Klang) လူမှုအသိုင်းအဝိုင်း၊ ဆွတ်ဆဝပ်လမ်းကြား (Suk Sawat Alley) တွင် ရေကြီးမှု အဆိုးရွားဆုံး ခံခဲ့ရသည်။
အောလုခ်တိုင်စည်ပင်သာယာရေးမြို့တော်ဝန် မစ္စတာ နဝကွန် (Mr. Nawakon Sangkaew) သည် သဘာဝဘေးအန္တရာယ် ကာကွယ်ရေးအဖွဲ့များနှင့် စည်ပင်ဝန်ထမ်းများကို အင်အားသုံး စေလွှတ်ကာ ရေဘေးသင့်ဒေသခံ ၅၀၀ ကျော်ကို အောလုခ်ပရာချာဆန်ကျောင်း (Ao Luek Prachasarn School) သို့ ယာယီခိုလှုံရာအဖြစ် အရေးပေါ် ရွှေ့ပြောင်းပေးခဲ့ရသည်။
အဆိုပါနေရာသည် တူးမြောင်းနှင့် ကပ်လျက်တည်ရှိပြီး နိမ့်ပါးသော မြေနိမ့်ပိုင်းဖြစ်သည့်အတွက် တစ်မနက်ခင်းလုံး ရွာသွန်းခဲ့သည့် မိုးရေများကို ရေနုတ်မြောင်းများက မနိုင်တော့ဘဲ ရေအမြင့် ၁ မီတာ (၃ ပေကျော်) အထိ ရေစီးသန်သန်ဖြင့် လျင်မြန်စွာ မြင့်တက်လာခဲ့ခြင်းဖြစ်သည်။
မြို့တော်ဝန်၏ ပြောကြားချက်အရ အဆိုပါဒေသတွင် လာမည့် ၂ ရက်မှ ၃ ရက်အထိ မိုးဆက်လက်ရွာသွန်းနိုင်ကြောင်း ခန့်မှန်းချက်များရှိနေသဖြင့် ရေမျက်နှာပြင်မှာ လက်ရှိထက် ပိုမိုမြင့်တက်လာနိုင်ခြေ ရှိနေပါသည်။ စည်ပင်သာယာရေးအဖွဲ့အနေဖြင့်လည်း ရေဘေးသင့်ပြည်သူများအတွက် စားနပ်ရိက္ခာနှင့် ယာယီနေရာထိုင်ခင်းများကို ဆက်လက်စီစဉ်ပေးထားသည်။
Source;Thairath
