ထိုင်းနိုင်ငံ၊ ချွန်ပူရီ (Chonburi) ပြည်နယ်၊ Ban Bueng ခရိုင်ရဲစခန်းသည် ပြည်နယ်လူဝင်မှုကြီးကြပ်ရေး၊ ခရိုင်အထွေထွေအုပ်ချုပ်ရေးဦးစီးဌာနနှင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနတို့ ပူးပေါင်းကာ တရားမဝင် ရှုပ်ထွေးသည့် နည်းလမ်းများဖြင့် စီးပွားရေးလုပ်ကိုင်နေသော တရုတ်နိုင်ငံသားများအား ဆက်တိုက်ဖမ်းဆီးလျက်ရှိရာ၊ ယနေ့တွင် ထိုင်းနိုင်ငံသားအမည်ခံ ဖြင့် ကုမ္ပဏီထောင်ကာ ဥပဒေဖောက်ဖျက်နေသည့် တရုတ်အမျိုးသမီးတစ်ဦးကို ထပ်မံဖမ်းဆီးရမိခဲ့ပါတယ်။
တာဝန်ရှိသူများသည် ချွန်ပူရီပြည်နယ်တရားရုံး၏ ရှာဖွေဝရမ်း (အမှတ် ၁၄၆/၂၅၆၉) အရ ဘန်ဘီယာ့င်-ကလင်လမ်းပေါ်ရှိ “ဂျွန်မို” (Zhong Mo) ကုမ္ပဏီ သို့ ဝင်ရောက်ရှာဖွေခဲ့ကြသည်။
အမှုနှင့်ပတ်သက်၍ ပြစ်မှုထင်ရှားစေရန်အတွက် ကုမ္ပဏီအတွင်းရှိ ကွန်ပျူတာများ၊ လက်ကိုင်ဖုန်းများ၊ CCTV ကင်မရာများနှင့် အရေးကြီးသော လုပ်ငန်းစာရွက်စာတမ်းများကို သက်သေခံပစ္စည်းအဖြစ် သိမ်းဆည်းခဲ့သည်။
စစ်ဆေးစဉ်အတွင်း ချွန်ပူရီပြည်နယ်တရားရုံး၏ ဖမ်းဝရမ်း (အမှတ် ၄၀၃/၂၅၆၉) ထုတ်ပြန်ခြင်းခံထားရသည့် တရားခံ Mrs. Zheng (ခေါ်) နာင်ချစ်ဝ်အင် ကို ကုမ္ပဏီအတွင်း၌ ဖမ်းဆီးရမိခဲ့သည်။
တရုတ်အမျိုးသမီး Mrs. Zheng အား အောက်ပါဥပဒေချိုးဖောက်မှုများဖြင့် စွဲချက်တင်ထားသည်။
▪️နိုင်ငံခြားသား စီးပွားရေးလုပ်ငန်းဆိုင်ရာ ဥပဒေများကို ရှောင်လွှဲရန် သို့မဟုတ် ဖောက်ဖျက်ရန် ရည်ရွယ်ချက်ဖြင့် ထိုင်းနိုင်ငံသားတစ်ဦးအား မိမိကိုယ်စား ကုမ္ပဏီတွင် ရှယ်ယာ အမည်ခံ ထည့်ဝင်ခိုင်းခြင်း။
▪️နိုင်ငံခြားသားများ လုပ်ကိုင်ခွင့်မရှိသည့် ကန့်သတ်စီးပွားရေးလုပ်ငန်းများကို ဥပဒေပုဒ်မ ၈(၃) အား ဖောက်ဖျက်၍ လုပ်ကိုင်ခြင်း။
လက်ရှိတွင် တာဝန်ရှိသူများက တရားခံအား ၎င်း၏ပြစ်မှုဆိုင်ရာ အခွင့်အရေးများနှင့် စွဲချက်များကို အကြောင်းကြားပြီးနောက် ဥပဒေအရ ထိရောက်စွာ အရေးယူနိုင်ရန်အတွက် ဘန်ဘီယာ့င်ခရိုင်ရဲစခန်းသို့ ခေါ်ဆောင်ကာ အမှုဖွင့်လှစ် ဆောင်ရွက်လျက်ရှိသည်။
Source;ชลบุรี ฮอต รีพอท นิวส์
