ထိုင်းနိုင်ငံ၊ ခရီးသွားလာရေးလုပ်ငန်း ကော်ပိုရေးရှင်း (TAT) မှ ကြီးမှူး၍ ဘန်ကောက်မြို့ရှိ ကျောက်ဖယားမြစ်ကို တစ်လတာ အထူးညမိတ်ဆက်ပွဲကြီးအဖြစ် အသွင်ပြောင်းလဲပေးမည့် “Vijit Chao Phraya 2026” ပွဲတော်ကို လာမည့် နိုဝင်ဘာ ၁၃ ရက်မှ ဒီဇင်ဘာ ၁၃ ရက်အထိ ရက်ပေါင်း ၃၁ ရက်တိုင်တိုင် ကျင်းပသွားမည်ဖြစ်ကြောင်း တရားဝင် ကြေညာလိုက်ပါတယ်။
ယခုနှစ် ပွဲတော်ကို ၅ ကြိမ်မြောက်အဖြစ် “Light of Imagination” (စိတ်ကူးယဉ် အလင်းတန်းများ) ဟူသော ဆောင်ပုဒ်ဖြင့် ရာမ (၃) တံတားနှင့် ရာမ (၈) တံတားကြားရှိ မြစ်ကမ်းပါး နှစ်ဖက်စလုံးတွင် ကျင်းပမည်ဖြစ်သည်။ ဤပွဲတော်သည် နှစ်ကုန်ပိုင်း ခရီးသွားလာမှုကို မြှင့်တင်ရန်၊ ဘန်ကောက်၏ ညပိုင်း စီးပွားရေး (Night-time economy) ကို အားကောင်းစေရန်နှင့် ခရီးသွားရာသီ (High season) တွင် ပြည်တွင်းပြည်ပ ခရီးသွားများကို ဆွဲဆောင်ရန် ရည်ရွယ်ခြင်း ဖြစ်သည်။
အဆိုပါပွဲတော်တွင် အလင်းနှင့် အသံ (Light and Sound) ရှိုးများ၊ ပရိုဂျက်ရှင်း မက်ပင်း (Projection mapping)၊ ဒရုန်းတပ်ဖွဲ့ဝင်များ၏ ပုံဖော်ပြသမှုများ၊ မီးရှူးမီးပန်းများနှင့် ယဉ်ကျေးမှု အနုပညာ ဖျော်ဖြေမှုများ စသည့် ခေတ်မီ မာလ်တီမီဒီယာ နည်းပညာများကို မြစ်ကြောင်းတစ်လျှောက်ရှိ သမိုင်းဝင် အမွေအနှစ်နေရာများနှင့် ပေါင်းစပ်ပြသသွားမည် ဖြစ်သည်။
📍 ပါဝင်သည့် အဓိက နေရာ ၁၃ ခု
ယခုနှစ် အစီအစဉ်တွင် မြစ်ကမ်းတစ်လျှောက်ရှိ အဓိက မှတ်တိုင်နေရာ ၁၃ ခုတွင် ကျင်းပမည်ဖြစ်ပြီး အောက်ပါနေရာများ ပါဝင်သည်-
-Rama VIII Bridge
-Wat Arun Ratchawararam
-Wichai Prasit Fort
-Memorial Bridge
-Phra Pok Klao Bridge)
-Krung Thep Bridge နှင့် အခြားသော အဓိက မြစ်ကမ်းနား နေရာများ။
TAT ၏ ဥက္ကဋ္ဌဖြစ်သူ Thapanee Kiatphaibool ၏ ပြောကြားချက်အရ အဆိုပါ ပွဲတော်သည် နှစ်ကုန်ပိုင်း ခရီးသွားရာသီအတွက် TAT ၏ အဓိက အလံတင်ပွဲတော်များထဲမှ တစ်ခုဖြစ်ပြီး၊ ပြည်တွင်းပြည်ပ ခရီးသွားများအား ဘန်ကောက်၏ ယဉ်ကျေးမှု၊ လူနေမှုပုံစံနှင့် ခေတ်မီမြို့ပြ အလှတရားများကို မြစ်ဝှက်ဧရိယာအတွင်း တစ်နေရာတည်းတွင် ခံစားနိုင်ရန် ဖန်တီးပေးထားခြင်း ဖြစ်သည်။
ဤပွဲတော်သည် မြစ်ကြောင်းကရုစ် (Cruise) လုပ်ငန်းများ၊ ဟိုတယ်များ၊ စားသောက်ဆိုင်များနှင့် မြစ်ကမ်းတစ်လျှောက် ဒေသခံ အသိုက်အဝန်းများအတွက် ဝင်ငွေများစွာ ဖန်တီးပေးနိုင်မည်ဟု မျှော်လင့်ထားသည်။ ထို့အပြင် လုံခြုံရေးနှင့် ဧည့်သည်များ အဆင်ပြေစေရန်အတွက် ရဲတပ်ဖွဲ့၊ ခရီးသွားရဲတပ်ဖွဲ့၊ ရေကြောင်းရဲတပ်ဖွဲ့၊ ရေကြောင်းဦးစီးဌာနနှင့် ဘန်ကောက်မြို့တော် စီမံအုပ်ချုပ်ရေး (BMA) တို့ ပူးပေါင်းစီစဉ်လျက် ရှိသည်။
Source;The Nation
