မှောင်ခိုကုန်ပစ္စည်း တရားမဝင် တင်သွင်းသည့် ကွန်ရက်များသည် အာဏာပိုင်များ၏ ဖမ်းဆီးစစ်ဆေးမှုများကို ရှောင်လွှဲရန်အတွက် ကုန်ကားကြီးများဖြင့် တန်ချိန်အများအပြား သယ်ယူသည့် စနစ်အစား ပုဂ္ဂလိက ပါဆယ်ပို့ဆောင်ရေး ဝန်ဆောင်မှုများကို အသုံးပြု၍ ပါဆယ်ထုပ်အသေးများဖြင့် ခွဲေဝ ပေးပို့သည့် နည်းလမ်းသို့ ပြောင်းလဲအသုံးပြုလာကြကြောင်း ပရာကျွပ်ခီရီခမ်း (Prachuap Khiri Khan) အကောက်ခွန် ဦးစီးမှူး သီသီဖုန်း ခမ်ဖူး (Thitiphong Khamphui) က သတိပေး ထုတ်ပြန်လိုက်ပါတယ်ဗျာ။
စစ်ဆေးတွေ့ရှိနိုင်ခြေ မြင့်မားသည့် ကုန်ကားကြီးများဖြင့် သယ်ယူခြင်းကို ရှောင်လွှဲရန်အတွက် “အမြန်ချောပို့ စစ်ဆင်ရေး” သဖွယ် ပုဂ္ဂလိက ပါဆယ်ပို့ဆောင်ရေးစနစ်များကို အသုံးပြုလာကြသည်။
ပို့သူနှင့် လက်ခံသူ အချက်အလက်များတွင် နာမည်အတု သို့မဟုတ် နိုမီနီ (Nominee) အကောင့်များကို အသုံးပြုကြပြီး၊ ပါဆယ်အပြင်ဘက်တွင် လူသုံးကုန်ပစ္စည်း၊ မော်တော်ယာဉ် အပိုပစ္စည်း သို့မဟုတ် အိမ်သုံးပစ္စည်းများဟု မဟုတ်မမှန် ဖော်ပြထားကြသည်။
တောင်ပိုင်း နယ်စပ်ဒေသများရှိ ကုန်စည်ဖြန့်ဖြူးရေး စခန်းများမှတစ်ဆင့် ပို့ဆောင်ရေး ကွန်ရက်အတွင်းသို့ တရားဝင် ပါဆယ်များနှင့် ရောနှောထည့်သွင်းကာ တစ်နိုင်ငံလုံးသို့ ၂၄ နာရီမှ ၄၈ နာရီအတွင်း ရောက်ရှိအောင် ပေးပို့ကြသည်။
စူးစမ်းရှာဖွေရန် ခက်ခဲသော လျှို့ဝှက် လူမှုကွန်ရက် ဂရုများမှတစ်ဆင့် အော်ဒါယူကြပြီး တင်သွင်းသူ၊ စသိုလှောင်သူ၊ ထုပ်ပိုးသူနှင့် ပို့ဆောင်သူဟူ၍ အဆင့်ဆင့် ခွဲခြားလုပ်ကိုင်ကြသည်။
ပရာကျွပ်ခီရီခမ်း အကောက်ခွန်ဌာန၏ စက်တင်ဘာ ၁ ရက်မှ ၂၃ ရက်အထိ ၂၃ ရက်တာ စစ်ဆင်ရေးအတွင်း ဖမ်းဆီးရမိမှုများမှာ အောက်ပါအတိုင်း ဖြစ်သည်။
-စစ်ဆေးခဲ့သည့် ပါဆယ်: သံသယဖြစ်ဖွယ် ပါဆယ် ၄၅၃ ထုပ်ကို စစ်ဆေးခဲ့ပြီး အမှုပေါင်း ၁၅ မှုကို အရေးယူနိုင်ခဲ့သည်။
-တရားမဝင် ဆေးလိပ်များ: နိုင်ငံခြားဖြစ် ဆေးလိပ် စူးစမ်းတွေ့ရှိမှု ကာတွန်း ၁၆,၀၈၂ ဖာ (ဆေးလိပ်ချောင်းရေ ၃.၂ သန်းကျော်) သိမ်းဆည်းရမိခဲ့ပြီး ပစ္စည်းတန်ဖိုးနှင့် အခွန်အခ စုစုပေါင်း ဘတ် ၃၆.၇ သန်းကျော် တန်ဖိုးရှိသည်။
-အခြား သိမ်းဆည်းရမိ ပစ္စည်းများ: အီးစီးကရက်နှင့် ရည်ဘူး ၄၃၉ ဘူး၊ အမှတ်တံဆိပ် အိတ် ၂၃ အိတ်၊ တိုင်းရင်းဆေး ၁၃၅ ဘူး၊ ရေမွှေး ၅၃ ဘူး၊ အချိုရည် ၉၆၀ ဘူး၊ နိုင်ငံခြားဖြစ် အရက် ၁၀ ဘူး၊ လက်ဖက်ခြောက် ၁၀ အိတ်နှင့် ထိနဖလံသီး ၄ ဘူးတို့ ပါဝင်သည်။
-စုစုပေါင်း တန်ဖိုး: စက်တင်ဘာ ၂၃ ရက်အတွင်း ဖမ်းဆီးရမိခဲ့သည့် မှောင်ခိုကုန်ပစ္စည်း စုစုပေါင်း၏ အခွန်အခပါဝင်သော တန်ဖိုးမှာ ဘတ် ၃၇.၂ သန်း ဖြစ်သည်။
အကောက်ခွန် အာဏာပိုင်များက ပုဂ္ဂလိက ပို့ဆောင်ရေး စနစ်များအတွင်း ရောနှောစီးဆင်းနေသည့် အဆိုပါ မှောင်ခိုကွန်ရက်များကို ဖော်ထုတ်နိုင်ရေးအတွက် တိကျသည့် သတင်းအချက်အလက် စာရင်းများဖြင့် ဆက်လက် ပိတ်ဆို့ အရေးယူသွားမည်ဟု ထုတ်ပြန်ထားသည်။
Source;ThaiPBS
