ထို့အပြင် ဘဏ္ဍာရေးဆိုင်ရာ ဒေတာဗဟိုဌာန–ရွှေ့ပြောင်းလုပ်သား ပလက်ဖောင်း (Financial Data Hub–Migrant Platform) ကိုလည်း တီထွင်ခဲ့သည်။ ဤဗဟိုစနစ်သည် ဒေတာများကို ထိုင်းနိုင်ငံသားမဟုတ်သူများအတွက် ကျန်းမာရေးအာမခံစနစ် (HINT) နှင့် ချိတ်ဆက်ထားပြီး အောက်ပါလုပ်ငန်းများကို ခွင့်ပြုပေးသည်-
- ကိုယ်ပိုင်အမှတ်အသား စစ်ဆေးအတည်ပြုခြင်း
- အီလက်ထရောနစ် ဆေးလက်မှတ်များ ထုတ်ပေးခြင်း
- အစိုးရမှ ပံ့ပိုးပေးသည့် ကျန်းမာရေးအာမခံကို အွန်လိုင်းမှ ဝယ်ယူနိုင်ခြင်း
ဤစနစ်သည် ကနဦးဝန်ဆောင်မှုယူနစ်နှင့် နောက်ဆုံးပန်းတိုင် ဝန်ဆောင်မှုယူနစ်များအကြား ဒေတာများကို ချောမွေ့စွာ လွှဲပြောင်း နိုင်စေပြီး ကိုယ်ပိုင်အမှတ်အသားကို တိကျစွာ စစ်ဆေးအတည်ပြုခြင်း၊ အဆင်ပြေမှု၊ မြန်ဆန်မှု၊ ပွင့်လင်းမြင်သာမှုတို့ကို တိုးမြှင့်ပေးကာ တစ်နိုင်ငံလုံးအတိုင်းအတာဖြင့် စံနှုန်းတစ်ခုတည်း ကို ထိန်းသိမ်းထားသည်။ ဤအရာက ဆေးကုသမှုဘေးကင်းရေးနှင့် ကျန်းမာရေးဒေတာလုံခြုံရေးကို မြှင့်တင်ပေးသည်။
အကောင်အထည်ဖော်မှု အဆင့်များ
“ယနေ့သည် နိုင်ငံ၏ ဝန်ထုပ်ဝန်ပိုးကို လျှော့ချရန်အတွက် ရွှေ့ပြောင်းလုပ်သားများ ကျန်းမာရေးအာမခံ ဝယ်ယူမှုကို အရှိန်မြှင့်တင်ရန် မူဝါဒ စတင်ခြင်းကို အမှတ်အသားပြုပါသည်” ဟု Worachote က ပြောကြားခဲ့သည်။
- အဆင့် ၁ (Phase 1) တွင် ဤ စမ်းသပ်ပြည်နယ်လေးခု ဖြင့် စတင်မည်ဖြစ်ပြီး၊
- အဆင့် ၂ (Phase 2) တွင် ဝန်ဆောင်မှုများကို ပြည်နယ် ၁၀ ခု သို့ တိုးချဲ့ရန် အစီအစဉ်များရှိသည်။
- ထို့နောက် ၂၀၂၆ ခုနှစ် ဇန်နဝါရီလ တွင် အဆင့် ၃ (Phase 3) အနေဖြင့် တစ်နိုင်ငံလုံးအတိုင်းအတာဖြင့် အပြည့်အဝ ဝန်ဆောင်မှု ကို တိုးချဲ့ဆောင်ရွက်သွားမည်ဖြစ်သည်။
ဤလုပ်ငန်းစဉ်သည် ထိုင်းနိုင်ငံရှိ ရွှေ့ပြောင်းလုပ်သားများ တရားဝင် အလုပ်လုပ်ကိုင်နိုင်ရန်၊ ကျန်းမာရေးစစ်ဆေးမှုများ ခံယူနိုင်ရန် နှင့် ဖျားနာသည့်အခါ ကျန်းမာရေးလုံခြုံရေး ရရှိစေရန် သေချာစေမည်ဖြစ်ပြီး၊ ၎င်းသည် “နိုင်ငံ၏ ကုန်ကျစရိတ်များကို လျှော့ချပေးပြီး နယ်စပ်တစ်လျှောက် ရောဂါများကို ထိထိရောက်ရောက် ထိန်းချုပ်ကာကွယ်နိုင်ရန်” အထောက်အကူပြုမည်ဟု ၎င်းက နိဂုံးချုပ်ပြောကြားခဲ့သည်။
Source: The Nation Thailand
