ထိုင်းနိုင်ငံတောင်ပိုင်း နယ်စပ်ဒေသတွင် ယနေ့ (ဇန်နဝါရီလ ၁၁ ရက်) တနင်္ဂနွေနေ့ မနက်အစောပိုင်းက PTT စက်သုံးဆီဆိုင် ၁၁ ဆိုင်တွင် ဗုံးပေါက်ကွဲမှုနှင့် မီးလောင်မှုများ ဖြစ်ပွားခဲ့သည်။ လက်ရှိအချိန်အထိ ဤဖြစ်စဉ်ကြောင့် လူထိခိုက်ဒဏ်ရာရရှိမှု မရှိသေးကြောင်း ကနဦး သိရှိရပါသည်။
တိုက်ခိုက်မှုများကို နရာသီဝပ်၊ ပတ္တနီ နှင့် ယာလာ ခရိုင် ၃ ခုအတွင်း အောက်ပါအတိုင်း ပြုလုပ်ခဲ့ခြင်း ဖြစ်သည် –
နရာသီဝပ်ခရိုင် (၅ နေရာ): Cho Airong၊ Chanae၊ Rangae၊ Waeng နှင့် Sungai Kolok နယ်မြေများ။
ပတ္တနီခရိုင် (၂ နေရာ): Muang နှင့် Kapho နယ်မြေများ။
ယာလာခရိုင် (၄ နေရာ): Kabang၊ Bannang Sata နှင့် Muang နယ်မြေများ။
ပြည်တွင်းလုံခြုံရေးဆိုင်ရာ ပူးပေါင်းဆောင်ရွက်မှုအဖွဲ့ (ISOC) က ဤတိုက်ခိုက်မှုများကို “မကောင်းသော ရည်ရွယ်ချက်ရှိသူများ” က ပြုလုပ်ခဲ့ခြင်းဖြစ်ကြောင်း ပြောကြားခဲ့သည်။ လက်ရှိတွင် မီးလောင်မှုများကို ထိန်းချုပ်နိုင်ရန် ငြှိမ်းသတ်လျက်ရှိသည်။အာဏာပိုင်များက အခင်းဖြစ်ပွားရာ နေရာများကို ပိတ်ဆို့ထားပြီး စုံစမ်းစစ်ဆေးမှုများ စတင်နေပြီ ဖြစ်သည်။ဒေသတွင်း လုံခြုံရေးအစီအမံများကိုလည်း ယခင်ကထက် ပိုမိုတိုးမြှင့်ထားသည်။
တည်ငြိမ်မှုမရှိသေးသဖြင့် ဒေသခံပြည်သူများနှင့် ခရီးသွားများအနေဖြင့် လက်ရှိအချိန်တွင် စက်သုံးဆီဆိုင်များသို့ သွားရောက်ခြင်းကို ရှောင်ကြဉ်ကြရန် အာဏာပိုင်များက အကြံပြု သတိပေးထားပါသည်။
Source: Bangkok Post
