မဲဆောက်၊ ဩဂုတ် ၄ (၂၀၂၆) – ထိုင်းနိုင်ငံ၊ တက်ခ်ခရိုင်၊ မဲဆောက်မြို့နယ်အတွင်း တရားမဝင် နေထိုင်သည့် နိုင်ငံခြားသားများအား ၁၀ နှစ်သက်တမ်းရှိ မှတ်ပုံတင်မဲ့ကတ် (ခေါ်) ဘတ်ဟွာစူနန်း (บัตรหัว 0) များ မသမာသော နည်းလမ်းဖြင့် ထုတ်ပေးနေသည့် ဂိုဏ်းကို ဖမ်းဆီးရန်အတွက် ရဲနှင့် လုံခြုံရေးတပ်ဖွဲ့ဝင် ၁၃၀ ကျော်ဖြင့် ယနေ့ (ဩဂုတ် ၄ ရက်) နံနက် ၆:၀၀ နာရီတွင် အထူးစစ်ဆင်ရေး ပြုလုပ်၍ ဝင်ရောက်စီးနင်းခဲ့ပါတယ်။
တက်ခ်ခရိုင် ရဲတပ်ဖွဲ့၊ မဲဆောက် ရဲစခန်း၊ လူဝင်မှုကြီးကြပ်ရေး (Immigration)၊ ဒေသန္တရ အုပ်ချုပ်ရေးဌာန (DOPA N.I.C.E) နှင့် ပညာရေး/အဂတိ လိုက်စားမှု တိုက်ဖျက်ရေး အဖွဲ့ (PACC) တို့ ပူးပေါင်းဆောင်ရွက်ခဲ့ကြခြင်းဖြစ်သည်။
အထူးစစ်ဆင်ရေးအဖွဲ့သည် ဖမ်းဝရမ်း ၁၃ ခုနှင့် ရှာဖွေဝရမ်း ၂ ခုကို ကိုင်ဆောင်၍ ဝင်ရောက်စီးနင်းခဲ့သည်။
မဲဆောက် စည်ပင်သာယာရေးအဖွဲ့ (Mae Sot Municipality) မှ ဝန်ထမ်းဟောင်း ၁ ဦးနှင့် လက်ရှိ တာဝန်ထမ်းဆောင်နေသူ ဝန်ထမ်း ၂ ဦး ပါဝင်သည်။
မသမာသော နည်းလမ်းဖြင့် ၁၀ နှစ်သက်တမ်းရှိ ကတ်ပြားအတုများကို ပြုလုပ်ထားသည့် နိုင်ငံခြားသား ၁၂ ဦးထံ သို့ ဖမ်းဝရမ်း ထုတ်ပြန်ထားသည်။
ယခု ဖြစ်စဉ်သည် မဲဆောက် ဧရိယာအတွင်း လူကုန်ကူးမှု ဂိုဏ်းများနှင့် ပတ်သက်၍ ဘတ်ဟွာစူနန်း (บัตรหัว 0) ဟု ခေါ်ဆိုသည့် မှတ်ပုံတင် မရှိသူများ၏ ရာဇဝင်မှတ်တမ်းများကို မသမာသော နည်းလမ်းဖြင့် ပြုလုပ်ပေးသည့် အဓိက သတင်းကွန်ရက်တစ်ခုလည်း ဖြစ်သည်။
အဆိုပါ ဖမ်းဆီးမှုများနှင့် စပ်လျဉ်း၍ ယနေ့ နံနက် ၁၀:၃၀ နာရီ တွင် မဲဆောက် လူဝင်မှုကြီးကြပ်ရေး ရုံး၌ သတင်းစာရှင်းလင်းပွဲ ကျင်းပသွားမည်ဖြစ်သည်။
သတင်းစာရှင်းလင်းပွဲသို့ ပြည်ထဲရေးဝန်ကြီးဌာန ဒုတိယဝန်ကြီး Jaeset Thaiset ၊ အုပ်ချုပ်ရေး ဦးစီးဌာန ညွှန်ကြားရေးမှူးချုပ် Narucha Khosasivilai ၊ အမျိုးသား ရဲတပ်ဖွဲ့ ဒုတိယရဲချုပ်နှင့် တက်ခ်ခရိုင် အုပ်ချုပ်ရေးမှူးတို့ ကိုယ်တိုင် တက်ရောက်၍ စစ်ဆင်ရေး နောက်ဆက်တွဲ အခြေအနေများကို အသေးစိတ် ထုတ်ပြန်ပေးသွားမည် ဖြစ်သည်။
Source;The Repoters
