ဂျပန်တွင် ရေဘဝဲ၊ ငါးဥနှင့် ငါးခြောက်လွှာတို့၏ အပင်အခြေခံ အစားထိုး ပင်လယ်စာများ တီထွင် ထုတ်လုပ်

ဂျပန်နိုင်ငံရှိ အစားအသောက် ထုတ်လုပ်ရေး ကုမ္ပဏီကြီးများသည် ပင်လယ်စာ ဖမ်းဆီးရမိမှု လျော့ကျလာခြင်း၊ ဈေးနှုန်း မြင့်တက်လာခြင်းနှင့် ကျန်းမာရေးဆိုင်ရာ လိုအပ်ချက်များကို ဖြည့်ဆည်းရန်အတွက် အပင်နှင့် ဂျုံ/ကစီဓာတ် အခြေခံပြု ပြုလုပ်ထားသော ပင်လယ်စာ အစားထိုး ထုတ်ကုန်များ (Plant-based Seafood Alternatives) ကို တီထွင် ထုတ်လုပ်ရောင်းချလာကြပါတယ်။

အပင်အခြေခံ ပင်လယ်စာ ထုတ်ကုန်သစ် ၃ မျိုး

Daitai Mentaiko (ငါးဥအစပ် အစားထိုး):

-ထုတ်လုပ်သူ: Yamaya Communications (ဖုကူအိုကာ ခရိုင်)။

-ထုတ်လုပ်ပုံနှင့် အကျိုးကျေးဇူး: ကစီဓာတ်သစ် (Starch) ဖြင့် ငါးဥကဲ့သို့ အလုံးသေးလေးများ ဖန်တီးကာ ငရုတ်သီး၊ ယုဇု (Yuzu) သံပုရာတို့ဖြင့် စိမ်ထားသည်။ မူလ Mentaiko ထက် ဆားဓာတ် ၅၀% လျှော့ချထားသဖြင့် ဆေးရုံ အစားအစာများနှင့် ကျန်းမာရေးအရ ဆားလျှော့စားလိုသူများအတွက် သင့်တော်သည်။ လာမည့်နှစ်ဆန်းတွင် စတင်ရောင်းချမည်ဖြစ်သည်။

Hobo Tako (ရေဘဝဲ အစားထိုး):

-ထုတ်လုပ်သူ: Kanetetsu Delica Foods (ဟယောဂို ခရိုင်)။

-ထုတ်လုပ်ပုံနှင့် အကျိုးကျေးဇူး: အမျှင်ဓာတ်၊ ကစီဓာတ်တို့ကို ပေါင်းခံထုတ်လုပ်ထားပြီး အစစ်အတိုင်း ရော့ရော့ စိစိဖြစ်သော ကျုံ့ဆန့်နိုင်သည့် အသားမျှင်ဓာတ် (Springy and snappy texture) ရရှိစေသည်။ ရေဘဝဲ ဖမ်းဆီးရမိမှု နည်းပါးပြီး ဈေးနှုန်းကြီးမြင့်ချိန်တွင် Takoyaki မုန့်ပြုလုပ်ရန် အထူးသင့်တော်သည်။

Bonito Flakes (ငါးသေတ္တာအခြောက်လွှာ အစားထိုး):

-ထုတ်လုပ်သူ: Ikeda Tohka Industries (ဟီရိုရှီးမား ခရိုင်)။

-ထုတ်လုပ်ပုံနှင့် အကျိုးကျေးဇူး: ပဲပိစပ် ပရိုတင်း (Soy protein) ကို ပုံသွင်း၍ စက်ဖြင့် အလွှာပါးများ ပြုလုပ်ထားသည်။ Okonomiyaki (ဂျပန် ပီဇာ) ပူပူပေါ်တွင် ဖြူးလိုက်ပါက ငါးလွှာအစစ်ကဲ့သို့ လှုပ်ရှားတွန့်လိမ်သော (Dancing effect) ကြောင့် ဟိုတယ်များနှင့် သက်သတ်လွတ် စားသောက်ဆိုင်များတွင် ရေပန်းစားလျက်ရှိသည်။

ရာသီဥတုနှင့် ပင်လယ်စာ ဖမ်းဆီးရမိမှု အတက်အကျ ပေါ်တွင် မှီခိုရန် မလိုဘဲ ပမာဏ ပုံမှန် ထုတ်လုပ်နိုင်သည်။ ဆားဓာတ် လျှော့ချထားခြင်း၊ ကိုလက်စထရော သက်သာခြင်းနှင့် သက်သတ်လွတ်/Vegan စားသုံးသူများအတွက် စားသုံးနိုင်သည့် ရွေးချယ်မှုများ ပိုမို များပြားလာစေသည်။

Source;Khaosod