ပြီးခဲ့သည့် ဇွန်လ ၈ ရက် တနင်္လာနေ့က ထိုင်းနိုင်ငံ အထူးစုံစမ်းစစ်ဆေးရေးဦးစီးဌာန (DSI) သည် ရဲတပ်ဖွဲ့၊ အကောက်ခွန်ဌာနတို့နှင့် ပူးပေါင်းကာ ချွန်ဘူရီခရိုင် (Chonburi)၊ ဘန်လမွန် (Bang Lamung) မြို့နယ်ရှိ တရားမဝင် အီးစီးကရက် (Vape) ထုတ်လုပ်နေသည့် စက်ရုံကြီးတစ်ခုကို အောင်မြင်စွာ ဝင်ရောက်စီးနင်း ဖမ်းဆီးနိုင်ခဲ့ပါတယ်။
စုံစမ်းစစ်ဆေးချက်များအရ အဆိုပါတရားမဝင်စက်ရုံသည် ယခင်က တရားဝင်လိုင်စင်ရ ဆေးခြောက်စိုက်ပျိုးရေး လုပ်ကိုင်ခဲ့ဖူးသည့် ဂိုဒေါင်ကြီးတစ်ခုဖြစ်ပြီး၊ နောက်ပိုင်းတွင် အီးစီးကရက် အကြီးအကျယ် ထုတ်လုပ်သည့် တရားမဝင်စက်ရုံအဖြစ် လျှို့ဝှက်အသွင်ပြောင်း လည်ပတ်ခဲ့ခြင်း ဖြစ်သည်။
စက်ရုံအတွင်းမှ အသင့်ထုတ်လုပ်ပြီးသား အီးစီးကရက် ကိရိယာပေါင်း ၆၅,၀၀0 ကျော်နှင့်အတူ ကိရိယာပေါင်း ၃၀,၀၀0 ခန့် ထပ်မံထုတ်လုပ်နိုင်မည့် ကုန်ကြမ်းများနှင့် စက်ပစ္စည်းများကို သိမ်းဆည်းရမိခဲ့သဖြင့် စုစုပေါင်း ပစ္စည်းအရေအတွက် ၉၀,၀၀0 ကျော် (ကာလတန်ဖိုး အမြောက်အမြား) ရှိခဲ့သည်။
စီးနင်းမှုအတွင်း အီးစီးကရက်များကို တစ်နိုင်ငံလုံးရှိ ကွန်ရက်များထံ ကားဖြင့် လိုက်လံပို့ဆောင်ပေးရသည့် ဒရိုင်ဘာဖြစ်သူ အမျိုးသားတစ်ဦးကို ဖမ်းဆီးရမိခဲ့ပြီး၊ ၎င်းအား ဒေသခံရဲစခန်းတွင် ကနဦး အရေးယူထားကာ DSI အနေဖြင့် နောက်ကွယ်က ငွေကြေးထောက်ပံ့သူများနှင့် ပတ်သက်သည့် ကွန်ရက်တစ်ခုလုံးကိုပါ ဆက်လက်စုံစမ်းဖော်ထုတ်နေသည်။
ထိုင်းနိုင်ငံသည် ၂၀၁၄ ခုနှစ် ကတည်းက အီးစီးကရက်နှင့် ၎င်းနှင့်ဆက်စပ်သည့် အရည်များ တင်သွင်းခြင်း၊ ထုတ်လုပ်ခြင်းနှင့် ရောင်းချခြင်းတို့ကို လုံးဝ (လုံးဝ) တင်းကြပ်စွာ ပိတ်ပင်ထားသည့် နိုင်ငံဖြစ်ပါတယ်ဗျာ။ လက်ရှိဥပဒေများအရ ပြစ်ဒဏ်များမှာ အောက်ပါအတိုင်း အလွန်ပြင်းထန်လှသည်-
ရောင်းချသူများသည် အမြင့်ဆုံး ထောင်ဒဏ် ၃ နှစ်အထိ သို့မဟုတ် ဒဏ်ငွေ ဘတ် ၆၀၀,၀၀၀ အထိ ချမှတ်ခံရနိုင်ပြီး၊ ထုတ်လုပ်သူများသည် စားသုံးသူကာကွယ်ရေးဥပဒေအရ အမြင့်ဆုံး ထောင်ဒဏ် ၄ နှစ်အထိ ကျခံရနိုင်သည်။
တရားမဝင် တင်သွင်းသူများသည် အမြင့်ဆုံး ထောင်ဒဏ် ၁၀ နှစ်အထိ သို့မဟုတ် ကုန်ပစ္စည်းတန်ဖိုး၏ ၅ ဆအထိ ဒဏ်ငွေ ချမှတ်ခံရနိုင်ပြီး၊ လက်ဝယ်တွေ့ရှိ/ကိုင်ဆောင်ထားရုံမျှဖြင့်လည်း ထောင်ဒဏ် ၅ နှစ်အထိ သို့မဟုတ် ကုန်ပစ္စည်းတန်ဖိုး၏ ၄ ဆအထိ ဒဏ်ငွေ အပြစ်ပေးခံရနိုင်သည်။
Source;The Nation
