ထိုင်းနိုင်ငံ၊ ဂေဉ္စနဘူရီပြည်နယ်၊ ထောင်းဖာဖူ (Thong Pha Phum) မြို့နယ်တွင် တရားမဝင် မြန်မာလုပ်သား ၁၉ ဦး တင်ဆောင်လာသည့် SUV မော်တော်ယာဉ်တစ်စီးသည် စစ်ဆေးရေးဂိတ်ကို မြင်သဖြင့် ထွက်ပြေးစဉ် လမ်းဘေးကျောက်တုံးနှင့် တိုက်မိခဲ့ပြီး ယာဉ်မောင်းမှာ လွတ်မြောက်သွားခဲ့ပါတယ်။
သံသယဖြစ်ဖွယ် အဖြူရောင် Isuzu Mu-X ကားကို စစ်ဆေးရေးဂိတ်က တားဆီးစဉ် ယာဉ်မောင်းသည် ကားကို အမြန်လှည့်၍ ထွက်ပြေးခဲ့ရာ ကျေးရွာအတွင်း လမ်းဘေးကျောက်တုံးနှင့် တိုက်မိခဲ့သည်။ ထို့နောက် လာကြိုသည့် အခြားကားတစ်စီးပေါ်သို့ ပြောင်းစီးကာ ထွက်ပြေးလွတ်မြောက်သွားခဲ့သည်။
ကားအတွင်းမှ အထောက်အထားမဲ့ မြန်မာလုပ်သား ၁၉ ဦး ကို ဖမ်းဆီးရမိခဲ့သည်။ ၎င်းတို့သည် ဘုရားသုံးဆူ နယ်စပ်ဘက်မှတစ်ဆင့် Samut Prakan တွင် အလုပ်လုပ်ရန် ပွဲစားခ ၁ ဦးလျှင် ဘတ် ၁၄,၀၀၀ ပေးခဲ့ရကြောင်း သိရသည်။
လက်ရှိတွင် ဖမ်းဆီးရမိသည့် မြန်မာလုပ်သားများကို “တရားမဝင် ဝင်ရောက်မှု” ဖြင့် ထောင်းဖာဖူရဲစခန်း၌ အမှုဖွင့်ထားပြီး လွတ်မြောက်နေသည့် ယာဉ်မောင်းကို ဆက်လက် စုံစမ်းရှာဖွေလျက်ရှိသည်။
Source;ข่าวเด่นภูมิภาคทั่วไทย กาญจนบุรี
