ဖြစ်စဉ်မှာ မေလ ၄ ရက် ညနှောင်းပိုင်းတွင် တောင်ပတ္တရား (South Pattaya) ရှိ အခန်းတစ်ခန်းအတွင်း ဖြစ်ပွားခဲ့ခြင်းဖြစ်ပြီး၊ ဖမ်းဆီးရမိသူများမှာ အသက် ၁၆ နှစ်နှင့် ၁၇ နှစ်အရွယ်ရှိ လိင်ပြောင်းလဲထားသူ (Transgender) ဆယ်ကျော်သက် ၂ ဦး ဖြစ်ပါတယ်။
အသက် ၄၅ နှစ်အရွယ် သြစတြေးလျနိုင်ငံသား Alikosh သည် အဆိုပါ ဆယ်ကျော်သက် ၂ ဦးအား အမျိုးသမီးများဟု ထင်မှတ်၍ ၎င်း၏ အခန်းသို့ ဖိတ်ခေါ်ခဲ့ပါတယ်။ နောက်ပိုင်းတွင် လိင်ပြောင်းလဲထားသူများဖြစ်ကြောင်း သိရှိရပြီးနောက် စကားများရန်ဖြစ်ရာမှ ခရီးသွားအမျိုးသားအား အိမ်သာအတွင်းသို့ တွန်းပို့ကာ ရင်ဘတ်ညာဘက်ခြမ်းကို ကတ်ကြေးဖြင့် ထိုးနှက်ခဲ့ခြင်း ဖြစ်ပါတယ်။၎င်းတို့ ၂ ဦးသည် သြစတြေးလျဒေါ်လာ ၆,၀၀၀ (ထိုင်းဘတ် ၁၄၀,၀၀၀ ခန့်) ကို လုယူထွက်ပြေးသွားခဲ့ပါတယ်။
ရဲတပ်ဖွဲ့သည် သက်သေအထောက်အထားများကို စစ်ဆေးပြီးနောက် အခင်းဖြစ်ပွားရာနှင့် မနီးမဝေးရှိ ကွန်ဒိုတစ်ခုတွင် ၎င်းတို့ ၂ ဦးကို ည ၈ နာရီကျော်၌ ဖမ်းဆီးရမိခဲ့ပါတယ်။ အခင်းဖြစ်စဉ်က အသုံးပြုခဲ့သည့် ကတ်ကြေးနှင့် လုယူသွားသော ငွေကြေးအချို့ကိုလည်း သက်သေအဖြစ် သိမ်းဆည်းနိုင်ခဲ့ပါတယ်။ လက်ရှိတွင် ၎င်းတို့ ၂ ဦးလုံးက ပြစ်မှုကျူးလွန်ကြောင်း ဝန်ခံထားပြီး၊ လက်နက်အသုံးပြု၍ ညဘက်တွင် အုပ်စုဖွဲ့လုယက်မှုဖြင့် အမှုဖွင့် အရေးယူထားပါတယ်။
Source;Thaiger
