ပိတ်ရက်အစ ပထမဆုံးနေ့မှာတင် အရှိန်ပြင်းပြင်းမောင်းနှင်မှုတွေကြောင့် ထိခိုက်သေဆုံးမှုတွေ စတင်ရှိလာတာဖြစ်ပြီး မြို့ပြင်ထွက်မယ့် လမ်းကြောင်းတွေမှာ ယာဉ်ကြော ပိုမိုပိတ်ဆို့လာနိုင်တယ်လို့ သတိပေးထားပါတယ်။
မတော်တဆမှုတွေရဲ့ ၃၇.၇၈ ရာခိုင်နှုန်း ဟာ သတ်မှတ်အရှိန်ထက် ပိုမိုမောင်းနှင်ခြင်းကြောင့်ဖြစ်ပြီး၊ ၂၂ ရာခိုင်နှုန်းကတော့ ကပ်လျက်လမ်းကြောကနေ အန္တရာယ်ရှိစွာ ရှေ့ကဖြတ်ကျော်ဝင်ရောက်ခြင်းကြောင့် ဖြစ်ပါတယ်။
ဆိုင်ကယ်တွေဟာ မတော်တဆမှုအများဆုံး ဖြစ်ပွားတဲ့ယာဉ်ဖြစ်ပြီး၊ နေ့လယ် ၃ နာရီကနေ ညနေ ၆ နာရီ အကြားဟာ မတော်တဆမှု အဖြစ်များဆုံးအချိန် ဖြစ်ပါတယ်။ ထိခိုက်သေဆုံးသူတွေထဲမှာ အသက် ၆၀ ကနေ ၆၉ နှစ်ကြား သက်ကြီးရွယ်အိုတွေဟာ အရေအတွက် အများဆုံး ဖြစ်နေပါတယ်။
ထရန်း (Trang) နဲ့ ဆောင်ခလာ (Songkhla) ခရိုင်တို့မှာ မတော်တဆမှု ၈ ကြိမ်စီနဲ့ အများဆုံးဖြစ်ခဲ့ပြီး၊ ပရာချင်ဘူရီ (Prachin Buri) နဲ့ ဆောင်ခလာတို့မှာ သေဆုံးသူ ၂ ဦးစီနဲ့ အများဆုံးရှိခဲ့ပါတယ်။ အာဏာပိုင်တွေအနေနဲ့ အရက်သောက်မောင်းနှင်ခြင်း၊ ဦးထုပ်မဆောင်းခြင်း၊ ခါးပတ်မပတ်ခြင်းတို့အပြင် ပစ်ကပ်ကားနောက်ခန်းမှာ လူတင်ဆောင်မှုတွေကိုပါ တင်းတင်းကျပ်ကျပ် စစ်ဆေးနေပါတယ်။
Source;The Nation
