ဖူးခက်ရှိ နာမည်ကြီး ဟိုတယ်တစ်ခုတွင် အလုပ်သင်ဆင်းနေသည့် အသက် ၂၀ အရွယ် တက္ကသိုလ်ကျောင်းသူတစ်ဦးသည် စားဖိုမှူး၏ ကိုယ်ထိလက်ရောက် ရိုက်နှက်ခြင်းကို ခံခဲ့ရသည့်အပြင် ထမင်းအစိမ်းများကိုလည်း အဓမ္မ စားသုံးခိုင်းခဲ့ရသဖြင့် Patong ရဲစခန်းတွင် အမှုဖွင့် တိုင်ကြားခဲ့သည်။
Nakhon Si Thammarat တက္ကသိုလ်မှ အသက် ၂၀ အရွယ် အလုပ်သင်ကျောင်းသူသည် ဇူလိုင် ၁ ရက်နေ့မှစ၍ အတန်းဖော် ၂ ဦးနှင့်အတူ ဖူးခက်ဟိုတယ်တစ်ခုတွင် အလုပ်သင် စတင်ဆင်းခဲ့သည်။
ဇူလိုင် ၁၈ ရက်နေ့တွင် စားဖိုမှူးပေးထားသော အလုပ်များကို လုပ်ကိုင်နေစဉ် ထမင်းပွဲပြင်ဆင်မှု ကြံ့ကြာသည်ဟုဆိုကာ စားဖိုမှူးက သူမ၏ လက်မောင်းကို ယောင်းမဖြင့် ရိုက်နှက်ခဲ့သည့်အပြင် ပါးကို ၂ ချက်ဆင့် ရိုက်ခဲ့သဖြင့် ခေါင်းမူးသွားခဲ့ကြောင်း သိရသည်။ အဆိုပါ ဖြစ်စဉ်ကို CCTV မှတ်တမ်းတွင် အထင်အရှား တွေ့ရှိရသည်။
ယခင်ကလည်း ထမင်းကျက်မနပ်ဟုဆိုကာ တခြားဝန်ထမ်းများက ဝိုင်းဝန်းတားဆီးသည့်ကြားမှ ထမင်းအစိမ်းများကို အဓမ္မ စားသုံးခိုင်းခဲ့သည့် ဖြစ်စဉ်မျိုး ရှိခဲ့ဖူးကြောင်း ကျောင်းသူက ထွက်ဆိုထားသည်။
ဖြစ်စဉ်ဖြစ်ပွားပြီးနောက် မိခင်တက္ကသိုလ်မှ အဆိုပါ ဟိုတယ်တွင် အလုပ်သင်ဆင်းနေသည့် ကျောင်းသူ/သားများကို ချက်ချင်း ပြန်လည်ရုပ်သိမ်းခဲ့သည်။ ရဲတပ်ဖွဲ့ (Channel 8 သတင်းအရ) က စားဖိုမှူးကို ကိုယ်ထိလက်ရောက် စော်ကားမှုဖြင့် တရားစွဲဆိုထားပြီး ထမင်းအစိမ်း အဓမ္မကျွေးသည့် ကိစ္စအတွက်ပါ ထပ်မံပုဒ်မတိုးရန် စုံစမ်းစစ်ဆေးလျက်ရှိသည်။
လက်ရှိတွင် ရဲတပ်ဖွဲ့မှ ပြစ်မှုကျူးလွန်သူ စားဖိုမှူး၏ မည်သူမည်ဝါဖြစ်ကြောင်း ထုတ်ပြန်ထားခြင်း မရှိသေးသလို၊ သက်ဆိုင်ရာ ဟိုတယ်ဘက်ကလည်း တရားဝင် ရှင်းလင်းထုတ်ပြန်ချက် တစ်စုံတစ်ရာ ထုတ်ပြန်ထားခြင်း မရှိသေးပေ။
Source;Thaiger
