ထိုင်းနိုင်ငံတစ်ဝန်း ဖြစ်ပွားနေသည့် ရေကြီးရေလျှံမှုများကြောင့် အချို့လမ်းကြောင်းများတွင် ဥကြက်ဥ သယ်ယူပို့ဆောင်ရေး ကြန့်ကြာမှုများ ရှိနေသော်လည်း ပြည်တွင်း လိုအပ်ချက်အတွက် ကြက်ဥ ရရှိနိုင်မှု လုံလောက်စွာ ရှိနေပြီး တောင်သူများအနေဖြင့် ဈေးနှုန်းမြှင့်တင်မည် မဟုတ်ကြောင်း ဥကြက်ဥ စိုက်ပျိုးထုတ်လုပ်သူများ အသင်းမှ အတည်ပြု ပြောကြားလိုက်ပါတယ်။
ခက်ခဲသော ရေဘေးကာလအတွင်း ဥကြက်ဥ စိုက်ပျိုးထုတ်လုပ်သူ တောင်သူများအနေဖြင့် ခြံဖမ်းဈေး ကြက်ဥတစ်လုံးလျှင် ၄ ဘတ် မူလနှုန်းထားအတိုင်း မပြောင်းလဲဘဲ ဆက်လက် ရောင်းချပေးသွားမည်ဖြစ်သည်။ (အချို့ လမ်းဘေး ကုန်သည်ငယ်များမှာ သယ်ယူစရိတ်ကြောင့် ဈေးအနည်းငယ် မြှင့်နိုင်သည်)။
ထိုင်းနိုင်ငံတွင် တစ်ရက်လျှင် ကြက်ဥ သန်း ၄၂ သန်းမှ ၄၃ သန်းအထိ ထုတ်လုပ်လျက်ရှိပြီး တစ်ဦးလျှင် တစ်နှစ်လျှင် ပျမ်းမျှ ကြက်ဥ ၂၃၆ လုံး စိစစ်သုံးစွဲလျက်ရှိသဖြင့် စျေးကွက်အတွင်း ပြတ်လပ်မှု မရှိနိုင်ကြောင်း သိရသည်။
အရှေ့ပိုင်းခရိုင်များရှိ ကြက်ခြံအချို့ ရေကြီးမှုကြောင့် ထိခိုက်ပျက်စီးမှုများ ရှိခဲ့သော်လည်း အမိုးအကာအောက်တွင် ရှိသဖြင့် စုစုပေါင်း ထုတ်လုပ်မှုကို ကြီးမားစွာ မထိခိုက်ခဲ့ပေ။ ထပ်မံ မိုးမရွာပါက ၅ ရက်မှ ၇ ရက်အတွင်း အခြေအနေများ ပြန်လည်ကောင်းမွန်လာမည်ဟု မျှော်လင့်ထားသည်။
အချို့သော စူပါမားကတ်များနှင့် ကုန်စုံဆိုင်များ၏ စင်ပေါ်တွင် ကြက်ဥများ ပြတ်လပ်နေခြင်းမှာ ပြည်သူများက ရေဘေးအတွက် စိုးရိမ်လွန်ကာ ကြိုတင် စုဆောင်းဝယ်ယူကြခြင်း (Panic buying) ကြောင့် ဖြစ်သည်။
သယ်ယူပို့ဆောင်ရေး လမ်းကြောင်းများ ရေကြီးနေသဖြင့် ကုန်သွယ်ရေး ဦးစီးဌာန (DIT) သည် တပ်မတော်နှင့် ပူးပေါင်း၍ ပရာချင်းဘူရီ (Prachinburi) မှ ဆာကဲအို (Sa Kaeo) သို့ ကြက်ဥ ကတ်ပေါင်း ၂,၀၀၀ အား အရေးပေါ် ကူညီသယ်ယူပေးခဲ့သည်။
ပြည်သူများ စိုးရိမ်ထိတ်လန့်မှုမဖြစ်စေရန်နှင့် စိုးရိမ်လွန် ဝယ်ယူမှုများ မရှိစေရန်အတွက် အစိုးရဌာနများအနေဖြင့် သတင်းအချက်အလက်များကို မှန်ကန်တိကျစွာ ထုတ်ပြန်ပေးရန် ဥကြက်ဥ စိုက်ပျိုးထုတ်လုပ်သူများ အသင်းဥက္ကဋ္ဌ ဦးမနို့ချ် (Manoch Mutoothip) က တောင်းဆိုထားသည်။
Source;Bangkok Post
