ထိုင်းနိုင်ငံ၊ ချွန်ပူရီ (Chon Buri) ပြည်နယ်တွင် မိုးသည်းထန်စွာ ဆက်တိုက်ရွာသွန်းမှုကြောင့် ဆူခွန်ဗစ်လမ်းမကြီးနှင့် ဗီယင်းရှောင်ကွင်းလမ်း အပါအဝင် အဓိကလမ်းမကြီးများပေါ်တွင် ရေကြီးရေလျှံမှုများဖြစ်ပွားကာ ပတ္တရားနှင့် ရယောင်းဘက်သို့ သွားမည့် ခရီးသွားလာရေးလုပ်ငန်းများ ပြတ်တောက်နှောင့်နှေးလျက်ရှိပါတယ်။
မြို့မချွန်ပူရီရဲစခန်း၏ ယာဉ်ထိန်းရဲဌာန ထုတ်ပြန်ချက်အရ မော်တော်ယာဉ်မောင်းနှင်သူများအနေဖြင့် အောက်ပါနေရာများတွင် အထူးသတိပြုမောင်းနှင်ကြရန် နှိုးဆော်ထားသည်။
▪️ဘန်ဆွမ်းလမ်းဆုံ (Ban Suan Intersection): ဆူခွန်ဗစ်လမ်းပေါ်တွင် ရေကြီးရေလျှံနေသဖြင့် ယာဉ်ငယ်များ ရှောင်ကွင်းမောင်းနှင်ရန် သို့မဟုတ် အရှိန်လျှော့မောင်းရန်။
▪️ဘိုလင်းလမ်းဆုံ (Bowling Intersection): ချွန်ပူရီဆေးရုံမရောက်မီ လမ်းပိုင်းတွင် ရေအမြောက်အမြား တင်ကျန်နေသဖြင့် ပတ္တရားဘက်အဝင် ယာဉ်ကြောပိတ်ဆို့မှု ပြင်းထန်နေသည်။
▪️ချွန်ပူရီမိုးဇလရုံးရှေ့: ရေနုတ်မြောင်းများမှ ရေလျှံနေဆဲဖြစ်၍ ယာဉ်များ ပုံမှန်မောင်းနှင်ရခက်ခဲပြီး ရပ်တန့်နေရသည်။
▪️ဗီယင်းရှောင်ကွင်းလမ်း (Bueng Bypass Road): ကာစီကွန်ဘဏ်မျက်နှာချင်းဆိုင်နှင့် လိုတပ်စ် (Lotus’s) ရှေ့ ကွေ့ပတ်လမ်းအနီး ဘယ်ဘက်ယာဉ်ကြောတွင် ရေလွှမ်းနေသဖြင့် ယာဉ်ကြောပိတ်ဆို့နှေးကွေးနေသည်။
ထိုင်းမိုးလေဝသနှင့် ဇလဗေဒညွှန်ကြားမှုဦးစီးဌာန (TMD) ၏ ထုတ်ပြန်ချက်အရ ကြီးမားသော မိုးတိမ်တောင်တန်းကြီးသည် အရှေ့ဘက်သို့ ရွေ့လျားနေပြီး ဘန်ကောက်မြို့နယ်အများစု (သာဝီဝတ်ထနာ၊ ဘန်နာ၊ ဒုန်းမောင်း၊ ဆိုင်မိုင်၊ မင်းပူရီ၊ လတ်กระบัง အပါအဝင်) နှင့် အနီးနားရှိ နွန်ထပူရီ၊ ပထုံထာနီ၊ သမုပရာကန်၊ ချာချိုအင်ဆောင်နှင့် ချွန်ပူရီပြည်နယ်တို့တွင် မိုးအလတ်စားမှသည် သည်းထန်စွာရွာသွန်းမှုများ အနည်းဆုံး ၁ နာရီထက်မက ဆက်လက်ဖြစ်ပွားနိုင်ကြောင်း သတိပေးထားပါတယ်။
Source;The Nation
