♈ မိဿရာသီ (Aries)
စကားပြော မှားတတ်သည့် ကာလဖြစ်၍ အများရှေ့တွင် စကားပြောဆိုရာ၌ သတိထားပါ။ မြေနှင့် စိုက်ပျိုးရေး လုပ်ငန်းများမှ မျှော်လင့်သလောက် အမြတ်မရနိုင်ပါ။ လုပ်ငန်းခွင်ပြောင်းလဲမှု သို့မဟုတ် နေရာပြောင်းရွှေ့မှု ရှိနိုင်သည်။ အပေါင်းအသင်းများ၏ ကူညီမှု မရသော်လည်း အချစ်ရေးတွင်မူ မကြာမီ အဆင်ပြေ လှပလာမည်။
♉ ပြိဿရာသီ (Taurus)
အလုပ်တွင် လက်အောက်ငယ်သားများက အစွမ်းကုန် ကူညီပေးမည်။ လူမှုအသိုင်းအဝိုင်းတွင် ဂုဏ်သတင်း မွှေးပျံ့မည်ဖြစ်သော်လည်း မလိုလားအပ်သော ရန်သူ မများစေရန် နှိမ့်ချစွာ ပြုမူပါ။ မျှော်လင့်ထားသော လာဘ်များ ကြန့်ကြာတတ်သည်။ အချစ်ရေးတွင် မပြည့်စုံသေးဘဲ စိတ်တိုင်းမကျဖြစ်ရတတ်သည်။
♊ မေထုန်ရာသီ (Gemini)
အလုပ်တွင် ကြံ့ကြံ့ခံ ရင်ဆိုင်နိုင်မည်။ ခရီးဝေး၊ နိုင်ငံခြားနှင့် သက်ဆိုင်သော လုပ်ငန်းသစ်များနှင့် အွန်လိုင်းလုပ်ငန်းများတွင် အခက်အခဲ ရှိမည်။ ရှေးဟောင်းပစ္စည်းနှင့် အဆောင်များကို ရှောင်ပါ။ ဝင်ငွေ ပုံမှန်ခိုင်မာပြီး အထက်လူကြီးနှင့် မိတ်ဆွေကောင်းများ၏ ကူညီမှုကို ရရှိမည်။
♋ ကရကဋ်ရာသီ (Cancer)
စိတ်ချမ်းသာမှု ရရှိမည်ဖြစ်ပြီး ငွေကြေးပိုင်း မျှော်မှန်းချက်များ မှန်ကန်မည်။ အလှအပဆိုင်ရာ သို့မဟုတ် လက်ဝတ်ရတနာများ လာဘ်ရတတ်သည်။ ရာထူးတိုးခြင်းနှင့် ခရီးသွားလာမှုများ ချောမွေ့အဆင်ပြေမည်။ သို့သော် ကလေးများနှင့် လက်အောက်ငယ်သားများ၏ အမှားကြောင့် တာဝန်ယူရတတ်သည်။
♌ သိဟ်ရာသီ (Leo)
ဘဝကို အေးဆေးစွာ ဖြတ်သန်းနိုင်မည်။ အထက်လူကြီးများ၏ လိုလားချက်အတိုင်း ဆောင်ရွက်ပေးနိုင်မည်ဖြစ်ပြီး ရာဇဝတ်အဖွဲ့အစည်းနှင့် စာပေသင်ယူမှုများ အကျိုးပေးမည်။ အစိုးရနှင့် ဆက်စပ်သောအလုပ်များမှ ဝင်ငွေတိုးမည်။ သို့သော် အိမ်၊ ခြံ၊ မြေနှင့် စိုက်ပျိုးရေး ရင်းနှီးမြှုပ်နှံမှုများကို ခဏရှောင်ပါ။
♍ ကန်ရာသီ (Virgo)
စိတ်ပေါ့ပါးသွားမည်ဖြစ်ပြီး မိမိကြိုးစားမှုကြောင့် ရတနာ/ပစ္စည်းလှလှလေးများ ရရှိမည်။ အလုပ်တွင် အခွင့်အလမ်းကောင်းများ ရရှိပြီး သင်တန်း သို့မဟုတ် စာမေးပွဲများ အောင်မြင်မည်။ စကားပြောဆိုရာတွင် အမူအရာ လွန်ကဲပါက ချစ်သူနှင့် စကားများရတတ်သဖြင့် သတိထားပါ။
♎ တူရာသီ (Libra)
အပြိုင်အဆိုင်များတွင် အားနည်းတတ်သော်လည်း ကြိုတင်ပြင်ဆင်ပါက အဆင်ပြေမည်။ အောက်တိုဘာ ၂၀ ရက်ကျော်ပါက ငွေကြေးကံဇာတာ အကြီးအကျယ် ပွင့်လန်းလာမည်ဖြစ်ပြီး ငွေအမြောက်အမြား ဝင်ရောက်လာကာ အကြွေးများပင် ဆပ်နိုင်မည်။ စကားပြောဆိုရာတွင် သတိထားပါ၊ ဒုက္ခရောက်တတ်သည်။
♏ ဗြိစ္ဆာရာသီ (Scorpio)
အဖိုးတန် လက်ဆောင်များ သို့မဟုတ် နဂိုရှိပြီးသား မွေပစ္စည်းများ ရရှိတတ်သည်။ လက်အောက်ငယ်သားများနှင့် ကလေးများ အလုပ်လုပ်ရာတွင် အမှားပါတတ်၍ မကြာခဏ ပြင်ခိုင်းရမည်။ လျှပ်စစ်၊ မီးနှင့် သတ္တုဆိုင်ရာ အလုပ်များတွင် သတိထားပါ၊ ကားအမောင်းမြန်ခြင်းနှင့် ကူးစက်ရောဂါများကို ရှောင်ပါ။
♐ ဓနုရာသီ (Sagittarius)
မိမိကိုယ်တိုင် ဆုံးဖြတ်ခွင့် မရဘဲ အထက်လူကြီးများ၏ ပစ်ပယ်ခြင်းကို ခံရတတ်သည်။ အရေးကြီး မှတ်ပုံတင်၊ ကဒ်များ သို့မဟုတ် စာချုပ်စာတမ်းများ ပျောက်ဆုံး/ပျက်စီးတတ်သဖြင့် သတိပြုပါ။ ငွေကြေးပိုင်း ကံကောင်းမှု အနည်းငယ်ရှိပြီး အကြွေးများ ပြန်ရတတ်သည်။ ချစ်သူက အလုပ်တွင် ကူညီပေးမည်။
♑ မကာရရာသီ (Capricorn)
ကံဇာတာ ကောင်းမွန်နေပြီး ဘေးအန္တရာယ်များမှ ကင်းဝေးမည်။ ချစ်သူ သို့မဟုတ် အကျိုးတူစီးပွားဖက်များ၏ အကူအညီကြောင့် အခက်အခဲများကို ကျော်လွှားနိုင်မည်။ ငွေကြေးပိုင်းတွင် ကုန်ကျစရိတ် ပိုများနေမည်ဖြစ်ပြီး ကျန်းမာရေး သတိပြုရန် လိုအပ်သည်။
♒ကုမ်ရာသီ (Aquarius)
ငွေကြေးပိုင်းတွင် ကျပ်တည်းနေမည်ဖြစ်ပြီး ကြိုးစားသလောက် ငွေမဝင်ဘဲ ရှိမည်။ လုပ်ငန်းခွင် ဆက်သွယ်ရေးများတွင် အထောက်အပံ့ မရဘဲ အထင်လွဲခံရတတ်သည်။ ဒေါသထွက်နေချိန်တွင် သူတစ်ပါးကို မဆူပါနှင့်။ စကားပြောဆိုရာတွင် သတိမထားပါက ငွေကုန်ကြေးကျ များတတ်သည်။
♓ မိန်ရာသီ (Pisces)
လက်အောက်ငယ်သားကောင်းများနှင့် အဆင်ပြေမည်ဖြစ်ပြီး သူတို့၏ ကူညီမှုကို ရရှိမည်။ မိတ်ဆွေသစ်များ တိုးပွားမည်ဖြစ်သော်လည်း လူမှုရေးအသိုင်းအဝိုင်းတွင် စကားပြော အဆင်မပြေဖြစ်တတ်သည်။ အိမ်ထောင်ရေးနှင့် ပတ်သက်သော ယုံကြည်မှုများကြောင့် ပြောင်းလဲမှုအချို့ ရှိလာနိုင်သော်လည်း လွန်ကဲစွာ မယုံပါနှင့်။
Source; Khaosod
