ထိုင်းနိုင်ငံ၊ ပရာချင်ဘူရီ (Prachin Buri) ခရိုင်အတွင်း စက်ရုံများမှ ဓာတုပစ္စည်းများ စိမ့်ထွက်မှုနှင့် ရေဆိုးစွန့်ပစ်မှုများကြောင့် ဒေသခံပြည်သူများ ထိခိုက်ခံစားနေရသည့် ကိစ္စရပ်များကို ကွင်းဆင်း စစ်ဆေးရန် စက်မှုဝန်ကြီး Varawut Silpa-archa သည် အောက်တိုဘာ ၁၉ ရက်က သွားရောက် စစ်ဆေးခဲ့ပြီး၊ ဒေသခံများကလည်း စက်ရုံပိတ်သိမ်းပေးရန်နှင့် စုပုံနေသော အမှိုက်များကို ရှင်းလင်းပေးရန် လူ ၁,၃၀၀ ကျော် လက်မှတ်ရေးထိုးထားသည့် တိုင်ကြားစာကို တင်ပြရန် ပြင်ဆင်နေကြပါတယ်။
စက်မှုဝန်ကြီး Varawut သည် Si Maha Phot မြို့နယ်၊ Hua Wa ကျေးရွာအုပ်စုရှိ “Green Environment Technology Co Ltd” သို့ ပထမဆုံး သွားရောက်ခဲ့ပြီး “သက်တန့်ရောင် ရေ” (Rainbow water) ဖြစ်ပေါ်နေမှုနှင့် ပတ်သက်သည့် တိုင်ကြားချက်များကို စစ်ဆေးခဲ့သည်။ ထို့နောက် MY Metal Co Ltd သို့ ဆက်လက် သွားရောက်ရန် စီစဉ်ထားခဲ့သည်။
Si Maha Phot၊ Si Mahosot နှင့် Ban Sang မြို့နယ်များမှ ဒေသခံ ၁၀၀ နီးပါးသည် ဆိုင်းဘုတ်များ ကိုင်ဆောင်ကာ စုဝေးခဲ့ကြပြီး ရေအရင်းအမြစ်နှင့် လယ်ယာမြေများ ညစ်ညမ်းမှု မဖြစ်ပွားစေရန်နှင့် သဘာဝပတ်ဝန်းကျင် ထိခိုက်မှုကို ကာကွယ်ရန် သက်ဆိုင်ရာ အနေဖြင့် အမြန်ဆုံး အရေးယူပေးရန် တောင်းဆိုခဲ့ကြသည်။
ဒေသခံ ကိုယ်စားလှယ် Pol Col Thanakrit Nueangphut ဦးဆောင်၍ အဆိုပါ စက်ရုံအား ပိတ်သိမ်းပေးရန်နှင့် ပုံအစိုင်အခဲ စုပုံနေသော အမှိုက်များကို နယ်မြေအတွင်းမှ အမြန်ဆုံး ဖယ်ရှားပေးရန် တောင်းဆိုထားသည့် လူ ၁,၃၀၀ ကျော် လက်မှတ်ရေးထိုးထားသော တိုင်ကြားစာကို စက်မှုဝန်ကြီးထံ တင်ပြရန် ပြင်ဆင်ခဲ့ကြသည်။
တရားဝင် အရာရှိများ၏ စစ်ဆေးတွေ့ရှိချက်များနှင့် ပတ်ဝန်းကျင်အပေါ် သက်ရောက်မှု အခြေအနေများကို ဆက်လက် စုံစမ်းစစ်ဆေးလျက် ရှိပြီး တရားမျှတမှု ရှိစေရန်အတွက် ပွင့်လင်းမြင်သာစွာ ဆောင်ရွက်သွားမည် ဖြစ်ကြောင်း သိရသည်။
Source;The Nation
