လစ်သီယမ်ဘက်ထရီကား မီးလောင်မှုကြောင့် ဘန်ကောက်သို့ဝင်မည့် ဘန်နာ-ထရတ် လမ်းပိုင်းအချို့ ပိတ်ထားရ

မီးလောင်မှုသည် မေလ ၃ ရက် ည ၇ နာရီခွဲ ခန့်တွင် ကီလိုမီတာ ၄၀ အနီး (Thepharat Road) ၌ စတင်ဖြစ်ပွားခဲ့ခြင်း ဖြစ်ပါတယ်။ ဘက်ထရီများ၏ ဓာတုဂုဏ်သတ္တိကြောင့် မီးငြှိမ်းသတ်ရန် အလွန်ခက်ခဲခဲ့ပြီး အပူရှိန်ကြောင့် အပေါ်ရှိ ဘူရာဖာဝီသီ (Burapha Withi) အမြန်လမ်း၏ ကွန်ကရစ်များ အက်ကွဲကာ အောက်သို့ ပြုတ်ကျသည့်အထိ ပြင်းထန်ခဲ့ပါတယ်။

 လက်ရှိ လမ်းကြောင်းအခြေအနေ (မေလ ၄ ရက် နံနက်ပိုင်း)

၁။ ဘန်ကောက်အဝင် (Inbound): ကီလိုမီတာ ၄၀+၅၀၀ ရှိ ပင်မလမ်းမကြီး (Main Carriageway) ကို ဘေးကင်းလုံခြုံရေးအတွက် အကန့်အသတ်မရှိ ပိတ်ထားပါတယ်။ 

၂။ အပြိုင်လမ်း (Frontage Road): အပြိုင်လမ်းကိုတော့ ဖွင့်လှစ်ပေးထားသော်လည်း ကားများ အလွန်အမင်း ပိတ်ဆို့နေပါတယ်။ 

၃။ အမြန်လမ်း (Expressway): အပေါ်ရှိ အမြန်လမ်းတွင် ညာဘက်လမ်းကြော ၂ ခုကိုသာ အသုံးပြုခွင့်ပေးထားပြီး အဆောက်အအုံ ကြံ့ခိုင်မှုကို စစ်ဆေးနေဆဲ ဖြစ်ပါတယ်။

အဆိုပါလမ်းပိုင်းကို ဖြတ်သန်းရမည့်သူများအနေဖြင့် ပုံမှန်ထက် ၁ နာရီမှ ၂ နာရီခန့် အချိန်ပိုယူကြရန် သတိပေးထားပါတယ်။ဘန်နာ-ထရတ် လမ်းအစား မော်တော်ဝေး လမ်းကြောင်း ၇ (Motorway Route 7) ကို အစားထိုး အသုံးပြုကြရန် တိုက်တွန်းထားပါတယ်။လစ်သီယမ်ဘက်ထရီ မီးလောင်မှုဖြစ်စဉ်မှာ အဆိပ်ငွေ့များ ထွက်ရှိနိုင်သဖြင့် အနီးနားသို့ ဖြတ်သန်းသွားလာသူများအနေဖြင့် ကားပြတင်းပေါက်များကို လုံအောင်ပိတ်ထားကြရန် လိုအပ်ပါတယ်။

Source;The Nation