အီရန်နိုင်ငံနှင့် ရရှိထားသည့် ယာယီနားလည်မှုစာချွန်လွှာ (MoU) မှာ လုံးဝပျက်ပြယ်သွားပြီဖြစ်ကြောင်း သမ္မတ ဒေါ်နယ်ထရမ့်က ကြေညာလိုက်ပြီးနောက်၊ အမေရိကန်စစ်တပ်သည် ဟော်မုဇ်ရေလက်ကြားအနီးရှိ အီရန်စစ်ဘက်ဆိုင်ရာနေရာများကို လေကြောင်းမှ ထပ်မံဗုံးကြဲတိုက်ခိုက်လိုက်သဖြင့် စစ်ရေးတင်းမာမှုများ အရှိန်မြင့်တက်လာပါတယ်။
ပြီးခဲ့သည့်အင်္ဂါနေ့က ဟော်မုဇ်ရေလက်ကြားတွင် ကုန်တင်သင်္ဘော ၃ စီး တိုက်ခိုက်ခံခဲ့ရပြီးနောက်၊ အမေရိကန်က ၎င်းလုပ်ရပ်ကို လက်တုံ့ပြန်ရန် အီရန်တောင်ပိုင်းရှိ အဓိကဆိပ်ကမ်းမြို့ကြီးများနှင့် တော်လှန်ရေးအစောင့်တပ်ဖွဲ့ (IRGC) အခြေစိုက်စခန်းများကို ဗုဒ္ဓဟူးနေ့တွင် ထပ်မံဗုံးကြဲခဲ့ခြင်းဖြစ်သည်။
အီရန်ဘက်ကလည်း ဘာရိန်းနှင့် ကူဝိတ်ရှိ အမေရိကန်စစ်စခန်းများကို ဒုံးကျည်များဖြင့် ပြန်လည်တိုက်ခိုက်ခဲ့သည်။ ထို့ပြင် နျူကလီးယားမပြန့်ပွားရေးစာချုပ် (NPT) မှ နှုတ်ထွက်ခြင်းနှင့် ပင်လယ်နီဝအဝင်ရှိ ဘပ်အယ်လ်မန်ဒက် (Bab-el-Mandeb) ရေလက်ကြားကိုပါ ပိတ်ပစ်နိုင်ကြောင်း ခြိမ်းခြောက်ထားသည်။
ယခုတိုက်ခိုက်မှုကြောင့် ကမ္ဘာ့ရေနံထောက်ပံ့မှု လမ်းကြောင်းအပေါ် စိုးရိမ်မှုများမြင့်တက်လာပြီး ဘရန့်ဒြပ်စင် (Brent crude) ရေနံတစ်စည်လျှင် ၇၉.၂၈ ဒေါ်လာအထိ ဈေးတက်သွားခဲ့သည်။
Source;The Nation
